District Employment Exchange, Siaha in Golden Jubilee lawmna hun an hmang

#ZONEWS Siaha August 05, 2025: Vawiin khan District Employment Exchange, Siaha chuan an din champha kum 50-na, Golden Jubilee lawmna hun an hmang a, Pu Reuben T Kompa, Deputy Director, DEE chuan he hun hi kaihhruainain Pu VL Hruaizela Khiangte, District Bawrhsap chu Khuallian a ni.

Siaha DC Pu VL Hruaizela khiangte chuan Employment Dept-ah hun rei tak a lo thawh ve tawh atanga thil pawimawh tak mipui hriat tlan atana pawimawh chu employment a in ziaklut turte chu fimkhur tak leh dan dik taka chanvo hmu tur ten an hmuh theihna tur a nih avangin uluk taka in register tir thin tur a ni, a ti. Employment exchange chu employer leh hna zawng mekte tana indawr tawnna hmun pawimawh tak a nih thu a sawi bawk a, Thalaiten model career hmang tangkai zual turin duhsakna thu a sawi bawk a ni. Sawrkar mi leh sa an nih angin an mahni dawrtu mipuite tha taka lo dawngsawng a, harsatna an neihte lo chinfel pui thin turin a chah hlawm a ni.

Siaha Employment Exchange hi 5th August 1975 a din niin Employment Exchange (compulsory Notification of Vacancies) Act, 1959 & Rules, 1960 hnuaia Employment Exchange Pali (4) Mizoram-a awm zinga pakhat a ni a, AEO hmasa ber chu Pu Lallura sailo a ni. District Employment Exchange a hnathawh pawimawh zualte chu:

1. Empex portal hmangin hna zawng mekte in register na hmun a nih a, heng bakah hian Job seeker leh Employer te tan rahbi siamna hmun a ni.

2. The Mizoram Shop & Establishment in register na hmun a ni mai bakah contract labour leh inter state migrant workers-te registeration and licence pek na hmun ani.

3. Establishment/contractor te in register na hmun leh Labour Cess deposit na.

5. District Employment Exchange hnuaiah Model career centre ah hian thalai hna zawng mekte leh zir belh duh tan career and vocational guidance pek thin an ni.

6. MBOCWWB hnuai construction workers insak leh a kaihhnawiha inhlawh thin tan member in ziahluhna a ni mai bakah a claims, benefits etc te buaipui bawk thin a ni.

7. Ministry of Labour and employment hnuaia unorganized workers te tana inziahluhna Eshram ah State ah Nodal Department a nih angin CSC te nen tangkawpin Eshram registration tih thin a ni.Vawiin programme-ah hian Pu Jerubabel, Inspector of Statustics, DEE chuan hunserh a hmang a, Pu K Valy hnen atangin thusawi tawi ngaihthlak ni bawkin Pi Deborah Syuhlo in lawmthu sawina a nei a ni.