Kawng chhia chak zawka siam a nih theih nana chawlh la mek, Motora eizawng pawlte chuan kum thar lamah chuan chawlh lak ngaitawh lo turin sawrkar inhmakhawsuih tawh se an duh

#ZONEWS August 05, 2025: Vairengte leh Aizawl inkar kawngchhia chak zawka thawm a nih theih nana tlan chawlh puang mek Lirthei a Eizawng Pawl Hrang Hrang te chuan vawiin khan Joint Committee neiin hun lokal leh turah fur laia innawr vak ngai tawh lo turin sorkar chuan inhmakhawsuih nachang hre tawh se an duh tih an sawi.

Committee thuchhuak chuan, Sairang leh Vairengte inkar kawng pawh TLAN CHAWLH puan hnan ngai khawp a hma an la chak lo chu a pawi tak zet a, tullovah Lirthei a eizawng te leh mipui a tawrhna a thleng hi Lirthei a eizawng pawl hrang hrang te Joint Committee chuan a pawi an ti tak zet tih an sawi a ni.

Lirthei a eizawng pawl hrang hrang te Joint Committee chuan Sorkar hmalakna hi naktukah an en dawn tih an sawi bawk a. An thil hmuh a zirin an kal zel dan tur pawh a tul angin an ngaihtuah zel ang an ti a, Helai a hmalakna hi an vil zui reng dawn an ti a ni.

Lirtheia eizawng pawl Chief Convener Pu Robert Lalrinawma chuan sorkarin kawng tha zawk a siam theihna tura Lirthei Tlan chawlh an puan avanga ni 2\1 chhung an ding ringawt pawh lirtheia eizawngte tan chuan channa nasa tak a ni a ti a, an eizawnna a tawp rih ang a ni tih sawiin, Loan rul mek te tan ni khat lek din pawh a uihawm a, loh theih loh a an din a ngaih laiin an loan erawh a pung zel tho si chu an harsatna tawh lian tak te zing a mi a ni a ti a, hei bakah hian bungraw lirthei an tlan loh avangin Mizoram chhungah bungrua a van phah a, chu chuan mipuiah harsatna a thlen phah chu a pawi an ti hle tih a sawi.