CHIEF MINISTER LEH NHDCL MANAGING DIRECTOR COMMODORE RAJIV ASHOK AN INKAWM; Mizo Handloom tihhmasawn dan tur an sawidun

#ZONEWS Aizawl August 06, 2025: New Delhi-a cham mek Chief Minister Pu Lalduhoma leh National Handloom Development Corporation Limited Managing Director Commodore Rajiv Ashok (Rtd) te chu vawiin khan Mizoram House-ah an inkawm a, Mizo Handloom tihhmasawn dan tur an sawidun. An thil sawi langsarte chu:

1) Mizorama Yarn dawr (Warehouse) siam dan tur te.

2) Mizorama office hrang hrang leh sawrkar hmun pawimawha local handloom product hman tam dan tur te, product tha leh tlo zawk a awm theih nana modern electronics Jacquard handloom uar ve dan tur te.

3) Weaver ho thiamna tihsan zel dan tur leh state pawna an intihlar deuh deuh theih dan tur te.

4) National Handloom Development Corporation Limited mithiamten Mizoramin nasa zawka hma a sawn theih dan tur ruahmanna an rawn siampui dan tur te.

5) Mulberry atanga yarn siam chhuah tam zawk Mizoramin a neih theih dan tur te an ni.

Chief Minister hi Pi R. Lalrodingi, OSD to CM leh Pu Lalrinawma Khiangte, PS to CM ten an tawiawm a ni.