Lirthei-a sticker hriatpui loh bel khapna thupek DTO Siaha in a chhuah

#ZONEWS Siaha August 06, 2025: Siaha District Transport Officer (DTO), Dr Manesia Khaimeichho chuan transport vehicle a sticker hriatpuiloh bel chungchangah a hnuai tarlan ang hian Siaha mipuite tan hriattirna a chhuah.

HRIATTIRNA

TRANSPORT VEHICLE-AH STICKER HRIATPUI LOH BEL KHAPNA

Transport vehicle neitute/khalhtute’n an lirthei-ah sticker emaw, danin a phal loh thil Mizoram Vehicle Rules hnuai-ah thuneitute phalna tel lova bel khap tlat a ni tih kan inhriattir e.

Lirthei in-a a huamte:
1. Public Service Vehicle (Taxi, auto-rickshaw, sumo)
2. Bungraw phur leh thil phur lirthei
3. Educational Institution Bus

Chuvangin, lirthei neitute leh khalhtute’n

1. Lirtheia sticker emaw bel chi awmte lakthlak nghal vek tur, a bik takin, windshield-ah te, lirthei bang-ah te, lirthei tukverh leh number plate a mi te.

2. Politics, pawl hming, slogan, fakna lam kaihhnawih bel chi te chu STA phalna tel lova bel loh tur.

Hetiang tilui-a, lirthei-a phal lohte bel hriat a nih chuan action lak theih a ni a, fine te, permit chhuhsakte leh registration tihtawp sak thlengin a huam thei ang.

DTO-a enforcement staff te’n hemi behchhan hian dan an kengkawh anga, monitoring drive hi district chhungah an nei ang.

He hriattirna hi mipuite tana rual khaina leh khawtlang himna atante leh dan ang taka transport vehicle-te an awm theihna atan a ni.