District Vigilance Committee on Fertilisers, Siaha-te an thukhawm

#ZONEWS Siaha August 11, 2025: District Vigilance Committee on Fertilisers, Siaha-te chuan vawiin khan an Chairman leh District Bawrhsap ni bawk Pu VL Hruaizela Khiangte kaihhruaiin DC Mini Conference Hall-ah an thukhawm.

 Meeting kaihruaitu Pu VL Hruaizela Khiangte chuan leitha (fertilisers) lakluh leh hralhchhuah chu dan ang thlapa kalpui a ni thin tiin tun hnaiah Siaha khawchhunga Fertiliser zuartute zingah dan lo anga hralhchhuak an awm tih hriat a ni a, Ministry of Chemicals & Fertilisers leh Mizoram Sawrkar pawhin a ngai pawimawh takzet a, Siaha khawchhunga dan lo anga hralh chhuak thinte chhui chiang tura din Enquiry Team-te hmuhchhuah report ngaihtuahhoa, an kal lehzelna tur relho tura kalkhawm an nih thu a tarlang.

Enquiry Committee Chairman Pu Beimosia Lapi, Addl SP chuan an hnu chhui dan (enquiry report & findings) leh an hmutchhiah tak te report a pe a, committee chuan an kal leh zel dan tur te relin vawiin thutkhawm chu tihtawp a ni.

Addl District Agriculture Officer, Committee Member Secretary nibawk Pu John Lalnunsanga, Siaha ADAO chuan tul leh pawimawh hrang hrang report â pe bawk. He meeting-ah hian DC, Addl SP, Addl DC, bakah District Vigilance Committee on Fertilizers Committee member te an tel a ni.