Lungleiah Independence Day lawmna hun hman laiin C. Ṭhuamluaia Mual chhehvelah phalna la lova drone/UAV thlawhtir khap a ni

#ZONEWS Lunglei July 13, 2025: Ni 15.08.2025 (Zirtawpni) hian India Independence Day vawi 79-na chu C. Ṭhuamluaia Mual, Lungleiah hman tur niin, hemi ni hian C. Ṭhuamluaia Mual leh a chhehvelah venhimna khauh taka kalpui a ṭul avangin Lunglei District Magistrate Pi Navneet Mann chuan vawiin khan Section 163 of Bharatiya Nagarik Suraksha Sanhita (BNSS), 2023 tlawh chhanin a hnuaia mi ang hian thupek a chhuah.

“Ni 15.08.2025 (Zirtawpni) chawhma dar 08:00 leh chhun dar 12:00 inkarah C. Ṭhuamluaia Mual aṭanga meter 100 bial (100m radius) huam chhungah drone leh remote control hmang khawl thlawk thei (Unmanned Aerial Vehicle) eng chi mah thlawhtir phal a ni lo. He thupek hian phalna neia drone leh remote control hmanga khawl thlawk thei dang hmangte chu a huam lo vang.”

Thupek zawm lote chu Section 223 of Bharatiya Nyaya Sanhita (BNS), 2023 hmangin hrem theih an ni.