SCHOOL EDUCATION MINISTER-IN SCHOOL THENKHAT A TLAWH

#ZONEWS August 13, 2025 : Vawiin khan School Education Minister Dr Vanlalthlana’n School thenkhat hrilh lawk lovin a tlawh a, an building dinhmun leh naupangte zirtirna an pek dan a enpui.

School Education Minister hian School pathum ITI High School Adhoc Aided, Salem Veng Primary School I leh MICE Comprehensive School te a tlawh a. ITI High School hi building sak mek la zawh loh hna chawlhsan si a ni a, harsatna an neih leh an hmabak te a thlirpui. ITI High School hi nuai 64.5 senga sak mek a ni a, Classroom-2, Laboratory room, Library, Headmaster leh Teachers Common room te a ni a, Minister hi ITI High School Headmaster leh zirtirtuten an lo dawngsawng a, tuna an dinhmunah harsatna an neih te an lo thlen a ni.

Minister hian Salem Veng Primary School I tihtawp tawh hmunhma leh building-te a en a, he school building hnuai lam kawngan chu tun dinhmunah khawtlangin Salem veng market atan an hmang mek a, a chung lam chu post office leh thil dang atan an hmang a ni. Minister hian MICE School Tuikual a mi chu a en bawk a, Classroom leh Smart Classroom te, ICT room te, library leh Vocational Education classroom te a tlawh kual a, hmeichhe naupangten self defence an zir mekah buaina an tawh thulha mahni inven dan an lo entir bawk.

School Education Minister-in School a tlawh kualnaah hian School Education Secretary Pu David Lalthantluanga, Director Pi Angela Zothanpuii, SPD Pu C.Lalthanzira leh Deputy Director Pu P.C.Lalngaizuala ten an tawiawm a ni.