Serchhip DC in Independence Day Table Tennis Tournament 2025 a hawng
#ZONEWS Serchhip August 13, 2025: Vawiin khan Serchhip DC Pu Paul L Khuma chuan Serchhip District Table Tennis Hall, New Serchhip ah Independence Day Table Tennis Tournament 2025 a hawng.
DC chuan thusawiin Serchhip District Table Tennis Association chu infiamna lama Serchhip district tihmingthatu leh chawisangtu an nih avangin chhuanawm a tih thu a sawi a. Tournament khel turte chu theihtawp chhuah tura fuihin, tluang taka tournament an khelh theih nan duhsakna a hlan a, tournament a hawng a ni.
Tournament hi ni 13 – 14 August, 2025 chhunga khelh tur niin infiammi 111 in hming an pe a, category hrang hrang 13 ah a in el dawn a ni.
He hun hi SCDTTA President Pu VL Chanchinthahrilmawia’n a kaihruai a, Secretary R. Lalzuiliana’n report a pe a ni.
Discover more from Zonews
Subscribe to get the latest posts sent to your email.
