KAWRTHAH FOREST DIVISION-IN WORLD ELEPHANT DAY 2025 AN HMANG
#ZONEWS Mamit August 13, 2025 : Vawiin khan Kawrthah Forest Division chuan World Elephant Day pualin hun an hmang.
He hun Kawrthah Presbyterian English School a hmanah hian Pu Karthikeyan V, IFS, Division Forest Officer, Kawrthah chuan Sai chu ramsa dangdai bik an nih avanga humhalh an pawimawh zualna te sawiin ramngaw tana Sai pawimawhna leh hlutna te a tarlang bawk. Zirlai naupangte an phak tawk theuha Sai humhalhna kawnga hma la tur leh midangte zirtirtu ni turin a fuih.
Presbyterian English School zirlai naupangte chu entirna leh zirtirna finthlak tak tak te hmangin zirtirna pek an ni a, hemi ni pual vek Primary school naupangte chu Sai lem ziak leh rawnga chei te tihtir an ni bawk.
Pu Andrew Lalthlamuana, ACF Kawrthah chuan Sai chanchin pawimawhna te, an nungchang te leh a bikin Mizoram chhunga an insemdarh dante zirtirna hun a nei bawk.
Discover more from Zonews
Subscribe to get the latest posts sent to your email.
