Kum 3 hnuah MIFCO Chhingchhip-ah Lakhuihthei tui sawr tan leh a ni.

#ZONEWS Chhingchhip August 13, 2025: MIFCO a Lakhuihthei sawr tur hi Sialhawk-a Lakhuihthei chingtute ta lei sak phawt a ni a, tun dinhmunah Lakhuihthei hi Kg. khat cheng 15-a leisak a ni a, Lakhuihthei tui an sawr hi vawnthat a nih hnuah Mizoram chhunga Entrepreneur leh phailamah man man zawka pek chhawn leh a ni dawn a ni.

MIFCO Chairman, Pu Lalthazuala Royte chuan, kum 2022 kha MIFCO in Lakhuihthei an sawr hnuhnun ber a nih avangin khawl chhia a tam a, tun dinhmunah chuan zau lutuka kalpui theih a nih rih loh thu a sawi a, nakkum lamah changtlung zawka kalpui theih an inbeisei tih a sawi.

MIFCO hian kumin June thla atang khan Sapthei sawr bul an lo tan thar tawh bawk a, Baibing leh Rawtuai Tin te pawh siam chhoh zel tum a ni.