KOLASIBAH DISTRICT LEVEL STANDING COMMITTEE ON ELECTORAL ROLL NEIH A NI

#ZONEWS Kolasib August 19, 2025: Vawiin chawhnu dar 12:00 khan Kolasib DC Conference Hall-ah District Level Standing Committee on Electoral Roll neih a ni a. He hun hi District Election Officer(DEO) Pu Robert C. Lalhmangaiha chuan a kaihhruai a ni.

Pu Robert C. Lalhmangaiha, District Election Officer(DEO) chuan Inthlang ram a awm kan nih angin mipuite’n an aiawha ram hruaitu tluang taka an thlanchhuah theihna tura ruahmanna fel tak siam chu hna pawimawh tak a nih thu a sawi a. Inthlanna mumal leh fel taka neih a nih theih nan Election Commission of India (ECI) chuan inkaihhruaina leh dan mumal tak a neih thu leh heng inkaihhruaina te hi a khat tawka zirchiana ennawn reng a nih thu he thutkhawmna ah hian a tarlang a ni.

He thutkhawmna ah hian Election Commission of India (ECI) inkaihhruaina hmanga Polling Station siam rem dan turte, Electoral Roll then dan turte sawi hona neih a ni a, hetiangin:

1. Polling Station Pakhata Elector mi 1200 pel chin then dan tur (Bifurcation of Polling Stations with more than 1200 electors) :
• 4/14 Kawnpui–IV
• 4/15 Kawnpui–V
• 5/9 Khuangpuilam
• 5/19 Venglai–III

2. Polling Station awmna hmun sawn tur (Shifting of Polling Station) :
• 5/23 Hmarveng–I

3. Polling Station Section a then tur te (Splitting of Electoral Rolls into Sections)
• 6/17 Bilkhawthlir–I
• 6/30 Rengtekekawn

Vawiina Kolasib District Level Standing Committee on Electoral Roll Election neihna ah hian Electoral Registration Officer (EROs), Assistant Electoral Registration Officer(AEROs), Additional Superintendent of Police (Addl. SP), bakah Political Parties leh NGO aiawh te leh Thutharlakhawmtu te an tel a ni.