Siaha District a Bank hrang hrangte hmalakna thlirletna neih a ni

#ZONEWS Siaha August 28, 2025: Vawiin khan District Consultative Committee (DCC), District Level Review Committee (DLRC) te chuan kum kal mek April atanga July thla inkara Siaha District-a Bank hrang hrangte hnathawh thlirletna neiin an thukhawm. He thutkhawm hi Pu Vanlalchhuanliana, SDO (S) kaihhruaina hnuaiah neih a ni.

 ‘Conduct of Special DCC and DCC/DLRC meeting for the quarter ended June 2025’,  DC Mini Conference Hall-a neihah hian District chhunga bank hrang hrangte hmalakna thlirlet niin, Sawrkar scheme tih hlawhtlinna tura loan an pekchhuah zat te, Loan chhia an neih dan te leh bank in harsatna an neihte sawiho a ni a, hmalak zel dan tur sawiho nghal a ni.

Financial Literacy Campaign (FLC) chungchang pawh sawi niin, sawrkarin mipuite hamthatna tura hmalakna a neih hrang hrangte chu an hriatchian a pawimawh thu sawiho a ni.

Pu JM Soren, Lead Bank Manager for Siaha & Lawngtlai chuan quarter tinin Financial Literacy Campaign (FLC) vawi hnih tal neih thin tur tih chu ngai pawimawh thar leh turin a ngen a, loan pekchhuah thin zingah education loan chungchang chu mipuiin an hriat zau zel a, zirlai harsa zualten an hman tangkai theihna turin mipui hrilhhriatna kawngah tan lak a ngai hle a ti a, School leh College-ah te education loan chungchang awareness campaign nei theuh turin a chah bawk a ni.

MADC a Deputy Chief Executive Member (Dy CEM) Pu S. Lalremthanga pawhin bank hotute chu District chhunga mi rethei tak takte khaichhuak thei tura hma lak pui turin a ngen a, District Council Staff te zingah loan rul tha duh lo an awm a nih chuan rulh let leh ngei a nih theih nan theihtawp thawhpuiah an in rin reng thu a sawi bawk a ni.

Report in a tarlan danin April -June, 2025 chhungin Siaha District a Bank te chuan FLC tum 66 an nei a, mipui kalkhawm thei zat chu mi 1897 an ni. Tun quarterah PMJDY account nei thar mi 29,196 an awm a, PMJJBY a inziak lut thar 3,010 an awm a, PMSBY a in ziak lut mi 4,984 awmin APY a inziak lut thar mi 795 an awm bawk a ni. Tun quartera bank hrang hranga pawisa dahlut atanga loan lakchhuah zat chhutna (Credit Deposit Ratio) chu 91.48% niin hei hi RBI in a standard 60% a dah aiin a sang a ni.

Vawiin meetingah hian Siaha District a bank branch hrang hrang hotute bakah Department aiawhte an kalkhawm a ni

Siaha District a Bank hrang hrangte hmalakna thlirletna neih a ni

1872/2025-2026

Siaha the 28th August 2025: Vawiin khan District Consultative Committee (DCC), District Level Review Committee (DLRC) te chuan kum kal mek April atanga July thla inkara Siaha District-a Bank hrang hrangte hnathawh thlirletna neiin an thukhawm. He thutkhawm hi Pu Vanlalchhuanliana, SDO (S) kaihhruaina hnuaiah neih a ni.

 ‘Conduct of Special DCC and DCC/DLRC meeting for the quarter ended June 2025’,  DC Mini Conference Hall-a neihah hian District chhunga bank hrang hrangte hmalakna thlirlet niin, Sawrkar scheme tih hlawhtlinna tura loan an pekchhuah zat te, Loan chhia an neih dan te leh bank in harsatna an neihte sawiho a ni a, hmalak zel dan tur sawiho nghal a ni.

Financial Literacy Campaign (FLC) chungchang pawh sawi niin, sawrkarin mipuite hamthatna tura hmalakna a neih hrang hrangte chu an hriatchian a pawimawh thu sawiho a ni.

Pu JM Soren, Lead Bank Manager for Siaha & Lawngtlai chuan quarter tinin Financial Literacy Campaign (FLC) vawi hnih tal neih thin tur tih chu ngai pawimawh thar leh turin a ngen a, loan pekchhuah thin zingah education loan chungchang chu mipuiin an hriat zau zel a, zirlai harsa zualten an hman tangkai theihna turin mipui hrilhhriatna kawngah tan lak a ngai hle a ti a, School leh College-ah te education loan chungchang awareness campaign nei theuh turin a chah bawk a ni.

MADC a Deputy Chief Executive Member (Dy CEM) Pu S. Lalremthanga pawhin bank hotute chu District chhunga mi rethei tak takte khaichhuak thei tura hma lak pui turin a ngen a, District Council Staff te zingah loan rul tha duh lo an awm a nih chuan rulh let leh ngei a nih theih nan theihtawp thawhpuiah an in rin reng thu a sawi bawk a ni.

Report in a tarlan danin April -June, 2025 chhungin Siaha District a Bank te chuan FLC tum 66 an nei a, mipui kalkhawm thei zat chu mi 1897 an ni. Tun quarterah PMJDY account nei thar mi 29,196 an awm a, PMJJBY a inziak lut thar 3,010 an awm a, PMSBY a in ziak lut mi 4,984 awmin APY a inziak lut thar mi 795 an awm bawk a ni. Tun quartera bank hrang hranga pawisa dahlut atanga loan lakchhuah zat chhutna (Credit Deposit Ratio) chu 91.48% niin hei hi RBI in a standard 60% a dah aiin a sang a ni.

Vawiin meetingah hian Siaha District a bank branch hrang hrang hotute bakah Department aiawhte an kalkhawm a ni