CHIEF MINISTER-IN MPE&SS ASSOCIATION CONFERENCE HMANPUI

#ZONEWS Aizawl August 29, 2025: Vawiin khan Chief Minister Pu Lalduhoma chuan Mizoram Planning, Economic & Statistical Service Association Conference vawi 16 na, hun khatna, Planning Conference Hall-a neih chu khuallian niin a telpui. Pu TBC Lalvenchhunga, Adviser to CM (Finance & Planning) chu khualzahawm a ni.

Thu sawiin Chief Minister chuan, Sawrkar official data buatsaihtu leh department hrang hrang atanga project lo lutte lo zirchiang a, lo thlifimtute in ni a. Kan sorkar hnuah phei chuan project proposal zawng zawng in hnenah a lut hmasa ta vek a. In thuneihna leh thiltihtheihna kan tipung a, in thutlukna hian kan ram future a chhun ruih mai a ni.

Department hrang hrangin project an rawn ziak a, an inang lo hlawm hle dawn a. A engkim chipchiar taka lo zir a, kan ram tan hei hian enge min pek dawn tih man phaka in awm a ngai. Project thenkhat, ho te anga lang, kan mamawh tak ni si a awm theih laiin; project ropui leh lian tak anga lang, insen thlawnna mai ni si te pawh a awm thei. Kan resource-te a tam lo tih hre chungin, kan mamawh takah zel kut thlak kan tum dawn nia, a ti a. Data rintlak neih a pawimawhzia a tarlang bawk.

Central fund hrang hrang kan hmu tha thawkhat a, a bik takin SASCI leh DoNER ah phei chuan hma kan sawn a. In thawhrim zar a ni tih kan hria a, in chungah kan lawm a ni, tiin an kal zelna turah duhsakna a hlan.

Pu TBC Lalvenchhunga pawhin thusawiin, Planning lama hmasawn zelna tur a ngaih pawimawhte, thutlukna dik siam tura pawimawh nia a ngaih te, planning leh project kalpuina kawngah tunlai thiamna thar ber ber hman thiam ve zel tula a hriat thu te a tarlang.

Hun khatna inkhawm hi Pu H. Lalnunzuala, MPE&SS Association President chuan a kaihruai a, Pu Lalmanzualan hunserh a hmang a, Pu R. Lalfakzuala, General Secretary chuan report a pe a ni. Tunah hian MPE& SSA ah hian member 44 an awm mek a, an conference inkarah an member pahnihin an boralsan a, member thar pariat an nei thung. Hun khatnaah hian an member boralte sunna hi an nei a ni.

CHIEF MINISTER-IN MPE&SS ASSOCIATION CONFERENCE HMANPUI

1899/2025-2026

Aizawl the 29th August 2025: Vawiin khan Chief Minister Pu Lalduhoma chuan Mizoram Planning, Economic & Statistical Service Association Conference vawi 16 na, hun khatna, Planning Conference Hall-a neih chu khuallian niin a telpui. Pu TBC Lalvenchhunga, Adviser to CM (Finance & Planning) chu khualzahawm a ni.

Thu sawiin Chief Minister chuan, Sawrkar official data buatsaihtu leh department hrang hrang atanga project lo lutte lo zirchiang a, lo thlifimtute in ni a. Kan sorkar hnuah phei chuan project proposal zawng zawng in hnenah a lut hmasa ta vek a. In thuneihna leh thiltihtheihna kan tipung a, in thutlukna hian kan ram future a chhun ruih mai a ni.

Department hrang hrangin project an rawn ziak a, an inang lo hlawm hle dawn a. A engkim chipchiar taka lo zir a, kan ram tan hei hian enge min pek dawn tih man phaka in awm a ngai. Project thenkhat, ho te anga lang, kan mamawh tak ni si a awm theih laiin; project ropui leh lian tak anga lang, insen thlawnna mai ni si te pawh a awm thei. Kan resource-te a tam lo tih hre chungin, kan mamawh takah zel kut thlak kan tum dawn nia, a ti a. Data rintlak neih a pawimawhzia a tarlang bawk.

Central fund hrang hrang kan hmu tha thawkhat a, a bik takin SASCI leh DoNER ah phei chuan hma kan sawn a. In thawhrim zar a ni tih kan hria a, in chungah kan lawm a ni, tiin an kal zelna turah duhsakna a hlan.

Pu TBC Lalvenchhunga pawhin thusawiin, Planning lama hmasawn zelna tur a ngaih pawimawhte, thutlukna dik siam tura pawimawh nia a ngaih te, planning leh project kalpuina kawngah tunlai thiamna thar ber ber hman thiam ve zel tula a hriat thu te a tarlang.

Hun khatna inkhawm hi Pu H. Lalnunzuala, MPE&SS Association President chuan a kaihruai a, Pu Lalmanzualan hunserh a hmang a, Pu R. Lalfakzuala, General Secretary chuan report a pe a ni. Tunah hian MPE& SSA ah hian member 44 an awm mek a, an conference inkarah an member pahnihin an boralsan a, member thar pariat an nei thung. Hun khatnaah hian an member boralte sunna hi an nei a ni.