UD & PA LEH PHED DEPARTMENT IN SIPMIU PROJECT HNUAI A HNATHAWHTE PHED HNENAH HLAN CHHAWNG

#ZONEWS Aizawl August 29, 2025; Vawin chawhma khan PHED Minister Prof. Lalnilawma office chamber ah PHED leh UD&PA hotu te chuan UD&PA Department hnuai a hnathawh pawimawh tak, Aizawl khawpui chawmtu tuilakna tur sak hna “Augmentation of water supply and construction of 37 mld Water Treatment Plan, Tlawng (Setlak chhuah)” ami leh Zun leh Ek sawngbawlna “Construction of 10MLD STP (chite)” ami te leh veng hrang hrang atanga Zun leh Ek lak khawmna “Primary and Secondary Sewerage Network” sak zawh tawhte inhlan chhawnna hun pawimawh tak neih a ni a, heng Assets in hlan chhawnna hunah hian PHED, UD&PA leh SIPMIU atangin official ten an telpui a ni.

Tun dinhmunah Aizawl khawpui tui kan hmuhna GAWSS Phase 1&2 hi tui litre 34.8 MLD pe thei tur a duan a ni a. Hetihrual hian khawpui cheng mihring an pun chak tak avangin tui pump sa kan khawp kham lo nasa tawh mai bakah tui nu lutuk vang a pump chawlh tir a ngaih fo thin avangin tui thianghlim duhkhawp sem tur kan hmu lo thin a. Heng harsatna hrang hrangte sukiang tur leh tui pump theih zat belhchhah turin SIPMIU, UD&PA Department kaltlangin 37MLD WTP sak hna hi ADB & Ministry of Housing and Urban Affair(MoHUA),GoI atang a sum dawn hmangin kum 2016 atangin hnabul tan chhoh a ni.

Hnathawhna senso atan hian Rs 237.91 cr hman a niin, Diesel engines leh khawl dangte hmangin Dt 26.09.2023 ah tui pump chhuah tan a ni a. P&E sub-station Sihhmui atangin Power supply 33/11Kv hmangin Dt 29.03.2024 ah dawn tan a ni a, a tah tawlin electric khawl hrang hrang te endik leh commissioned chhoh zel a ni. Tichuan Dt 23.12.2024 atang khan Electric khawl tha chakna hmangin hlawhtling tak in tui pump chhuah tan a ni a. AWDD(North) PHED lam tuisem mamawh dan a zirin tui pump hna hi thawh ania, chawhrualin nitin darkar 12 chhungin tuithianghlim 8MLD(litre maktaduaih riat) vel pump chhuah thin ania. He schemes hi Aizawl hmar lam chawm tur niin, ruahman ang chuan Tlawng atang a tui thlitfim sa(treated water) hi 711mm(28 inches) Diameter pumping main 15.0 Km hmang in Laipuitlang tuikhuah lian ah pump chhoh hmasak phawt thin ani a, chuta tang chuan Aizawl hmar lam veng hrang hrangah semdarh thin a ni. He hnathawk tur a thlan chu M/s Eco Protection Engineer Pvt. Ltd., Chennai te an ni a, contractor hian he hna hi kumkhat chhung a enkawl zui dawn a ni.

Tun dinhmunah Vaivakawn-Zohnuai lei che avangin pipeline a chhia a, 27th May,2025 atangin tui pump hna hi chawlhsan rih a siam tha leh vat turin ruahmanna siam tawh a ni. Hemi rual vek hian Aizawl chhuahlama Zun leh Ek Sawngbawlna hmunpui 10MLD Sewage Treatment Plant(10MLD STP) in hlanna hun pawh hman nghal a ni a, he hna hian Aizawl chhuahlam veng hrang hrang Local Council area 19 atangin zun leh ek thli te lakhawm a, sawngbawl mek a ni. Hnathawhna
senso atan Rs 26.76 cr hman a ni a, hna hi 2013 atanga thawk tan in Dt 6.02.2021 ah zawhfel a commissioned tawh a ni a, a thawk tu hi M/s Eco Protection Engineer Pvt Ltd, Chennai an ni a, Contractor hian hnazawh atanga Kum5 chhung he hna enkawl zui dawn a. Contractor hian February, 2026 thleng a enkawl dawn a chumi hnu ah PHED hnehah a enkawl hna hi a hlan chhawng dawn a ni.

STP chite hmun a a sawngbawl tur Zun leh ek thli lakkhawm na tur Sewarage Network Km28.26 a thui phum a zawh fel (Commisioned)tawh a ni. Hnathawktu hi M/s Tantia Construction Ltd, Kolkata a ni a, hnathawh nan hian Rs 56.76 Cr hman a ni. Tun dinhmunah hian House connection hi In 5238 ah thlun zawm tawh ni in mihring 23868 ten an hmang mek a ni, hemi atanga a Ek thli lakhawmte Scientific method a uluk taka STP ah sawngbawl vek hnuah Chite luiah chhuah thin a ni.

Hemi rual hian sewerline leh manhole block thinte tihfaina tur Suction machine (1000litre capacity) pawh inhlan fel nghal ania. Heng hna te hi O&M period a zawh rualin PHE Department hnuai a Division thar Aizawl Water Transmission Division, North leh Sewarage & Sanitation Division ten la chhawng in enkawl chhunzawm nghal tur a ruahmanna siam fel tawh a ni.

UD & PA LEH PHED DEPARTMENT IN SIPMIU PROJECT HNUAI A HNATHAWHTE PHED HNENAH HLAN CHHAWNG

1898/2025-2026

Aizawl dated 29th August,2025; Vawin chawhma khan PHED Minister Prof. Lalnilawma office chamber ah PHED leh UD&PA hotu te chuan UD&PA Department hnuai a hnathawh pawimawh tak, Aizawl khawpui chawmtu tuilakna tur sak hna “Augmentation of water supply and construction of 37 mld Water Treatment Plan, Tlawng (Setlak chhuah)” ami leh Zun leh Ek sawngbawlna “Construction of 10MLD STP (chite)” ami te leh veng hrang hrang atanga Zun leh Ek lak khawmna “Primary and Secondary Sewerage Network” sak zawh tawhte inhlan chhawnna hun pawimawh tak neih a ni a, heng Assets in hlan chhawnna hunah hian PHED, UD&PA leh SIPMIU atangin official ten an telpui a ni.

Tun dinhmunah Aizawl khawpui tui kan hmuhna GAWSS Phase 1&2 hi tui litre 34.8 MLD pe thei tur a duan a ni a. Hetihrual hian khawpui cheng mihring an pun chak tak avangin tui pump sa kan khawp kham lo nasa tawh mai bakah tui nu lutuk vang a pump chawlh tir a ngaih fo thin avangin tui thianghlim duhkhawp sem tur kan hmu lo thin a. Heng harsatna hrang hrangte sukiang tur leh tui pump theih zat belhchhah turin SIPMIU, UD&PA Department kaltlangin 37MLD WTP sak hna hi ADB & Ministry of Housing and Urban Affair(MoHUA),GoI atang a sum dawn hmangin kum 2016 atangin hnabul tan chhoh a ni.

Hnathawhna senso atan hian Rs 237.91 cr hman a niin, Diesel engines leh khawl dangte hmangin Dt 26.09.2023 ah tui pump chhuah tan a ni a. P&E sub-station Sihhmui atangin Power supply 33/11Kv hmangin Dt 29.03.2024 ah dawn tan a ni a, a tah tawlin electric khawl hrang hrang te endik leh commissioned chhoh zel a ni. Tichuan Dt 23.12.2024 atang khan Electric khawl tha chakna hmangin hlawhtling tak in tui pump chhuah tan a ni a. AWDD(North) PHED lam tuisem mamawh dan a zirin tui pump hna hi thawh ania, chawhrualin nitin darkar 12 chhungin tuithianghlim 8MLD(litre maktaduaih riat) vel pump chhuah thin ania. He schemes hi Aizawl hmar lam chawm tur niin, ruahman ang chuan Tlawng atang a tui thlitfim sa(treated water) hi 711mm(28 inches) Diameter pumping main 15.0 Km hmang in Laipuitlang tuikhuah lian ah pump chhoh hmasak phawt thin ani a, chuta tang chuan Aizawl hmar lam veng hrang hrangah semdarh thin a ni. He hnathawk tur a thlan chu M/s Eco Protection Engineer Pvt. Ltd., Chennai te an ni a, contractor hian he hna hi kumkhat chhung a enkawl zui dawn a ni.

Tun dinhmunah Vaivakawn-Zohnuai lei che avangin pipeline a chhia a, 27th May,2025 atangin tui pump hna hi chawlhsan rih a siam tha leh vat turin ruahmanna siam tawh a ni. Hemi rual vek hian Aizawl chhuahlama Zun leh Ek Sawngbawlna hmunpui 10MLD Sewage Treatment Plant(10MLD STP) in hlanna hun pawh hman nghal a ni a, he hna hian Aizawl chhuahlam veng hrang hrang Local Council area 19 atangin zun leh ek thli te lakhawm a, sawngbawl mek a ni. Hnathawhna
senso atan Rs 26.76 cr hman a ni a, hna hi 2013 atanga thawk tan in Dt 6.02.2021 ah zawhfel a commissioned tawh a ni a, a thawk tu hi M/s Eco Protection Engineer Pvt Ltd, Chennai an ni a, Contractor hian hnazawh atanga Kum5 chhung he hna enkawl zui dawn a. Contractor hian February, 2026 thleng a enkawl dawn a chumi hnu ah PHED hnehah a enkawl hna hi a hlan chhawng dawn a ni.

STP chite hmun a a sawngbawl tur Zun leh ek thli lakkhawm na tur Sewarage Network Km28.26 a thui phum a zawh fel (Commisioned)tawh a ni. Hnathawktu hi M/s Tantia Construction Ltd, Kolkata a ni a, hnathawh nan hian Rs 56.76 Cr hman a ni. Tun dinhmunah hian House connection hi In 5238 ah thlun zawm tawh ni in mihring 23868 ten an hmang mek a ni, hemi atanga a Ek thli lakhawmte Scientific method a uluk taka STP ah sawngbawl vek hnuah Chite luiah chhuah thin a ni.

Hemi rual hian sewerline leh manhole block thinte tihfaina tur Suction machine (1000litre capacity) pawh inhlan fel nghal ania. Heng hna te hi O&M period a zawh rualin PHE Department hnuai a Division thar Aizawl Water Transmission Division, North leh Sewarage & Sanitation Division ten la chhawng in enkawl chhunzawm nghal tur a ruahmanna siam fel tawh a ni.