Aadi Karmayoagi Abhiyan – Responsive Governance Programme hnuaiah State Process lab hawng

#ZONEWS Aizawl September 1, 2025 : Vawiin khan Pu TBC Lalvenchhunga, MLA, Adviser to CM chuan Hotel Regency-ah Aadi Karmayoagi Abhiyan – Responsive Governance Programme hnuaiah State Process Lab a hawng.

He State Process Lab, ni 4 awh tur District Master Trainer’s Training hawnna hun pawimawh takah hian Dr. Lalrinchhana, Principal Adviser-cum-Addl. Secretary, Planning & Programme Implementation Department te, Pi Neeva Boro, Ministry of Tribal Affairs, Government of India aiawh te, Pu S.Koodalingam, SPL Facilitator leh District pariat aiawh mi 57 an tel a ni.

Aadi Karmayogi Abhiyan – Responsive Governmance Programme kan tih hi Viksik Bharat 2047, India Independence kum 100 tlinna tur tin zawn chunga, ram hmasawn (developed country) nihna kawnga ram pum huapa chet chhuahna tur leh danglamna thlentu (change leader) mi nuai 20 chher chhuahna tur mission a ni a. Chu mission tih hlawhtlinna tur chuan Aadi Karmayoagi Abhiyan hnuaiah hian State Process Lab chu bul tan a ni ta a ni.

Dr. Lalrinchhana, Principal Adviser-cum-Addl. Secretary, Planning & Programme Implementation Department chuan district hrang hrang: Aizawl, Lunglei, Champhai, Siaha, Lawngtlai, Serchhip, Mamit leh Saitual atanga District Master Trainers (DMTs) mi 57 thlan chhuah te lawmna thu a sawi a. Kan ram hmasawnna ruhrel tha (responsive governance programme) siam tura missionary turte an nih thu a sawi a. Training chhunga rinawm taka tel tur leh District Level Orientation, District Process Lab, Block Level Process Lab/workshop leh Village level workshop neih leh hunah pawh anni chu tangkai taka hman theih tura inchher turin a fuih a ni.

He programme-a chief Guest Pu TBC Lalvenchhunga pawhin district pariat atanga lo kal khawm te chu lo lawmin, ni li chhung training tha taka kal tur leh chu’nga an zir thiamna atanga thingtlang kilkhawr zawkte pawhin hlawkna an chan ngei theih nan theih tawp a thawk chhuak turin a fuih a. He programme pawimawhna leh scheme hrang hrang-te thawhhona (convergence) pawimawhna te a sawi a. Chumi atan chuan department te inrem taka thawhho a pawimawh dan tur te pawh a sawi bawk a ni. Tin, a ngaih pawimawh a sawi zingah he programme hi Mizoram sawrkar-in tribal mipuite hnen thleng phak chanchintha hrilna tur hmanrua a ni tih hria a thahnem ngai turin a chah a. Tin, he programme hi funding-a innghat ni lovin, kan mizo tlawmngaihna leh mipuite rawngbawlna tura inpeknaa innghat a nih zawk thu a sawi bawk a. He training programme tha tak a neih a nih theih nan state sawrkar pawhin theih tawp a chhuah zel tur thu sawi a thusawi.

Shri Neeva Boro, Ministry aiawha lokal pawhin vawiin programme hman a ni chu lawmawm a tih thu leh hman a nih chhan te a sawi a ni. He Aadi Karmayogi hi sawrkar department hrang hrangte thawhhona tur leh sawrkar tha tribal mipuite chawikanna tur kawng thawhhona hmun tur a nih thu a sawi bawk. Hlawhtlinna kawng zawh tur chuan sawrkar officer te an pawimawh thu leh a tawp thlenga hmalatu tur an nih thu te leh an lakah beiseina sang tak a neih thu a sawi bawk a ni.

He programme pumpui hi Bharat Rural livelihood Foundation (BRLF)-ten India ram pumah Ministry of Tribal Affairs (MoTA) te nena thawkhoin an buaipui a. State Nodal Department nihna angin Planning & Programme Implementation department pawhin Mizoram chhung bikah chuan a tul angin an lo buaipui bawk a ni.

Aadi Karmayogi Abhiyan hi mission a ni mai lova, sawrkar tha nei tura mipuite tel vena tur beihpui thlakna (movement) a ni a.  Tun hmaa a chung lam atang ruahmanna kalpui (Top-down approach) ni tawh lovin a hnuailam atang ruahmanna kalpui (bottom-up approach) siam tura beihpui thlakna a ni a. Khawtinin anmahni khaw hmasawnna tur an duan thiam theihna tura zirtir te, chumi ti hlawhtling tura sawrkar scheme hrang hrang thawhhotir te a tum a. State Process Lab zawh hunah District Level Orientation te neih a ni leh ang a. Chumi hnuah District Process Lab te nei leh in, Block Level Orientation/Workshop te, Village level workshop te pawh la neih zel tur a ni dawn a. Chumi-ah chuan tuna District Master Trainers te hi a khaipa ber tur an ni dawn a ni. Tin, anni bakah hian State sawrkar chuan Civil Society Organisation (CSO) leh Non-Government Organisation (NGO) te a thawhpui dawn bawk a, district tin tan thlan fel vek an ni tawh a ni. CSO leh NGO te hian he Aadi Karmayogi Abhiyan kalpuina kawngah nasa takin an pui dawn bawk a ni. Tin, he mission hi October ni 10, 2025 hmaa zawh hman ngei tura duan a ni bawk.

Aadi Karmayoagi Abhiyan – Responsive Governance Programme hnuaiah State Process lab hawng

1931/2025-2026

Aizawl the 1st, September, 2025 : Vawiin khan Pu TBC Lalvenchhunga, MLA, Adviser to CM chuan Hotel Regency-ah Aadi Karmayoagi Abhiyan – Responsive Governance Programme hnuaiah State Process Lab a hawng.

He State Process Lab, ni 4 awh tur District Master Trainer’s Training hawnna hun pawimawh takah hian Dr. Lalrinchhana, Principal Adviser-cum-Addl. Secretary, Planning & Programme Implementation Department te, Pi Neeva Boro, Ministry of Tribal Affairs, Government of India aiawh te, Pu S.Koodalingam, SPL Facilitator leh District pariat aiawh mi 57 an tel a ni.

Aadi Karmayogi Abhiyan – Responsive Governmance Programme kan tih hi Viksik Bharat 2047, India Independence kum 100 tlinna tur tin zawn chunga, ram hmasawn (developed country) nihna kawnga ram pum huapa chet chhuahna tur leh danglamna thlentu (change leader) mi nuai 20 chher chhuahna tur mission a ni a. Chu mission tih hlawhtlinna tur chuan Aadi Karmayoagi Abhiyan hnuaiah hian State Process Lab chu bul tan a ni ta a ni.

Dr. Lalrinchhana, Principal Adviser-cum-Addl. Secretary, Planning & Programme Implementation Department chuan district hrang hrang: Aizawl, Lunglei, Champhai, Siaha, Lawngtlai, Serchhip, Mamit leh Saitual atanga District Master Trainers (DMTs) mi 57 thlan chhuah te lawmna thu a sawi a. Kan ram hmasawnna ruhrel tha (responsive governance programme) siam tura missionary turte an nih thu a sawi a. Training chhunga rinawm taka tel tur leh District Level Orientation, District Process Lab, Block Level Process Lab/workshop leh Village level workshop neih leh hunah pawh anni chu tangkai taka hman theih tura inchher turin a fuih a ni.

He programme-a chief Guest Pu TBC Lalvenchhunga pawhin district pariat atanga lo kal khawm te chu lo lawmin, ni li chhung training tha taka kal tur leh chu’nga an zir thiamna atanga thingtlang kilkhawr zawkte pawhin hlawkna an chan ngei theih nan theih tawp a thawk chhuak turin a fuih a. He programme pawimawhna leh scheme hrang hrang-te thawhhona (convergence) pawimawhna te a sawi a. Chumi atan chuan department te inrem taka thawhho a pawimawh dan tur te pawh a sawi bawk a ni. Tin, a ngaih pawimawh a sawi zingah he programme hi Mizoram sawrkar-in tribal mipuite hnen thleng phak chanchintha hrilna tur hmanrua a ni tih hria a thahnem ngai turin a chah a. Tin, he programme hi funding-a innghat ni lovin, kan mizo tlawmngaihna leh mipuite rawngbawlna tura inpeknaa innghat a nih zawk thu a sawi bawk a. He training programme tha tak a neih a nih theih nan state sawrkar pawhin theih tawp a chhuah zel tur thu sawi a thusawi.

Shri Neeva Boro, Ministry aiawha lokal pawhin vawiin programme hman a ni chu lawmawm a tih thu leh hman a nih chhan te a sawi a ni. He Aadi Karmayogi hi sawrkar department hrang hrangte thawhhona tur leh sawrkar tha tribal mipuite chawikanna tur kawng thawhhona hmun tur a nih thu a sawi bawk. Hlawhtlinna kawng zawh tur chuan sawrkar officer te an pawimawh thu leh a tawp thlenga hmalatu tur an nih thu te leh an lakah beiseina sang tak a neih thu a sawi bawk a ni.

He programme pumpui hi Bharat Rural livelihood Foundation (BRLF)-ten India ram pumah Ministry of Tribal Affairs (MoTA) te nena thawkhoin an buaipui a. State Nodal Department nihna angin Planning & Programme Implementation department pawhin Mizoram chhung bikah chuan a tul angin an lo buaipui bawk a ni.

Aadi Karmayogi Abhiyan hi mission a ni mai lova, sawrkar tha nei tura mipuite tel vena tur beihpui thlakna (movement) a ni a.  Tun hmaa a chung lam atang ruahmanna kalpui (Top-down approach) ni tawh lovin a hnuailam atang ruahmanna kalpui (bottom-up approach) siam tura beihpui thlakna a ni a. Khawtinin anmahni khaw hmasawnna tur an duan thiam theihna tura zirtir te, chumi ti hlawhtling tura sawrkar scheme hrang hrang thawhhotir te a tum a. State Process Lab zawh hunah District Level Orientation te neih a ni leh ang a. Chumi hnuah District Process Lab te nei leh in, Block Level Orientation/Workshop te, Village level workshop te pawh la neih zel tur a ni dawn a. Chumi-ah chuan tuna District Master Trainers te hi a khaipa ber tur an ni dawn a ni. Tin, anni bakah hian State sawrkar chuan Civil Society Organisation (CSO) leh Non-Government Organisation (NGO) te a thawhpui dawn bawk a, district tin tan thlan fel vek an ni tawh a ni. CSO leh NGO te hian he Aadi Karmayogi Abhiyan kalpuina kawngah nasa takin an pui dawn bawk a ni. Tin, he mission hi October ni 10, 2025 hmaa zawh hman ngei tura duan a ni bawk.