Fisheries Department Official ten Workshop nei

#ZONEWS Aizawl September 16, 2025 : Fisheries Department chuan Kisan Credit Card(KCC) chungchang leh Department in Sangha thar chhuah tihpun dan turte leh kawng hrang hranga hma an lak chhoh dan tur chungchangah vawiin khan Irrigation & Water Resources Department Conference Hall-ah Workshop an nei.

He Workshop hi Er. Lalrothanga, Secretary, Fisheries Department in a kaihruai a, Fisheries Department officer te, District Fisheries Officer te, Bank hrang hrang te, Sangha dil siam pawl aiawhte an tel bakah Ministry of Fisheries, Animal Husbandry & Dairying atangin Joint Secretary Pu Sagar Mehra in a tel pui bawk.

Kisan Credit Card (KCC) hmang hian sangha dil siamtu ten Bank hrang hrangah loan interest tlemte (4%) in an la thei a, dahkham engmah ngai lovin a rulhna pawh thlatin ni lova vawikhata rulh theih a ni. Tunah hian Rs. 2 lakhs thleng pek theih chu Rs. 5 lakhs thlenga tihpun hi Central Sorkarin a ngaihtuah mek a, Pu Sagar Mehra chuan Mizoram target mi 5000 pek tur chu tih hlawhtlin thuai a tha a tih thu a sawi a. India ram pumpui ah KCC card holder mi 7.5cr an awm tawh a, Rs.5300cr lai pek an nih tawh thu a sawi.

Mizorama KCC diltute District hrang hrang ami te harsatna tawh te leh a chinfel dan turte workshop ah hian sawiho a ni a. Bank leh Fisheries Deptt ten a huhova awareness campaign te neih a, Mizoram target ti hlawhtling tura hmalak ho dan turte an sawiho a. Hei bakah hian Department in systematic taka hma an lak dan tur hrang hrang an zirho bawk a ni.

Fisheries Department Official ten Workshop nei

2139/2025-2026

Aizawl the 16th September, 2025 : Fisheries Department chuan Kisan Credit Card(KCC) chungchang leh Department in Sangha thar chhuah tihpun dan turte leh kawng hrang hranga hma an lak chhoh dan tur chungchangah vawiin khan Irrigation & Water Resources Department Conference Hall-ah Workshop an nei.

He Workshop hi Er. Lalrothanga, Secretary, Fisheries Department in a kaihruai a, Fisheries Department officer te, District Fisheries Officer te, Bank hrang hrang te, Sangha dil siam pawl aiawhte an tel bakah Ministry of Fisheries, Animal Husbandry & Dairying atangin Joint Secretary Pu Sagar Mehra in a tel pui bawk.

Kisan Credit Card (KCC) hmang hian sangha dil siamtu ten Bank hrang hrangah loan interest tlemte (4%) in an la thei a, dahkham engmah ngai lovin a rulhna pawh thlatin ni lova vawikhata rulh theih a ni. Tunah hian Rs. 2 lakhs thleng pek theih chu Rs. 5 lakhs thlenga tihpun hi Central Sorkarin a ngaihtuah mek a, Pu Sagar Mehra chuan Mizoram target mi 5000 pek tur chu tih hlawhtlin thuai a tha a tih thu a sawi a. India ram pumpui ah KCC card holder mi 7.5cr an awm tawh a, Rs.5300cr lai pek an nih tawh thu a sawi.

Mizorama KCC diltute District hrang hrang ami te harsatna tawh te leh a chinfel dan turte workshop ah hian sawiho a ni a. Bank leh Fisheries Deptt ten a huhova awareness campaign te neih a, Mizoram target ti hlawhtling tura hmalak ho dan turte an sawiho a. Hei bakah hian Department in systematic taka hma an lak dan tur hrang hrang an zirho bawk a ni.