CHAMPHAIAH DISTRICT PLANNING COMMITTEE THUKHAWM

#ZONEWS Champhai, October 21, 2025: Vawiin khan Champhai District Planning Committee chu Mizoram District Transformation Programme Champhaia kalpui dan tur ngaihtuahin Champhai Bawrhsap leh Chairman ni bawk, Pu Mohammad Aaquib hovin DC Conference Hall Keifangtlangah an thukhawm.

Chairman Pu Mohammad Aaquib chuan Mizorama District Transformation Programme chu district hrang hrangte tih hmasawnna tur atan duan a nih angin, Champhai District-ah ṭangkai taka hman a nih a, district mipui ten an chawrh theih tura tihhlawhtlin leh tihpuitlin a nih theih nan department hrang hrangte chu ṭhahnem ngai taka ngiahtuahna senga hma la turin a sawm.

Thutkhawmah hian Pi Jessie Vanlalruati Member Secretary leh Senior Research Officer-P&PID(RBD) ni bawk chuan Mizorama district hrang hrang hmasawnna atana ruahmanna thar, “Mizoram District Transformation Programme” kalpui dan tur Power Point Presentation hmangin sawifiahna a nei a ni.

Mizoram District Transformation Programme hnuaia department hrang hrang ten district dinhmun zirchianna, (District Baseline Profile), district  hmasawnna tura ruahmanna (District Transformation Vision) leh hmsawnna hnathawk mekin a huam bak hmaklanna tur (District Catalytic Intervention Plan) an siam te thla hnih chhungin DC Office-ah an thehlut ang a, department hrang hrangte ruahhmanna siam hi District Planning Committee-in ennawnna neiin DPC-in a pawmpuite chu State level-ah thehlutin Ministry level-ah hma lak tur a ni.