2-Dampa (ST) AC By-Election Observers hovin inthlan inbuatsaihna thlirin thutkhawm neih a ni

#ZONEWS Mamit, October 21, 2025 : Vawiin khan 2-Dampa (ST) AC By-Election neih tura viltute Mr.M.T Reju, IAS General Observer,Mr.Sabya Sachi Raman Mishra, IPS,Police Observer leh Mr.Shyam Kumar, IDAS, Expenditure Observer hovin inthlanna atana inbuatsaihna hrang hrang thlirhoin thutkhawm a ni.

Vawiin thutkhawmah kan hmaa 2-Dampa (ST) AC By-Election kan neih tura inbuatsaihna hrang hrangte thlirho a ni a, hmalak tawhna leh hmachhawpte sawizauna neih niin, inthlanna boruak muanawm tak hnuaia kalpui a nih theih nana theihtawpchhuah chhunzawm zel a tul thu Observers te chuan an sawi.

General Observer, Police Observer leh Expenditure Observer-te hian inbuatsaihna kalpui tawhna EVM Strong Room leh Media Cell te an tlawh bawk a ni.

Pu Lalnunfela Chawngthu, Election Officer chuan 2-Dampa (ST) AC dinhmun leh By- Election neihna atana inbuatsaihna hrang hrang kalpui tawhte leh hmachhawpte a lem nen chipchiar takin a tarlang a. 2-Dampa bial chhunga Polling Station dinhmun tarlan zingah Critical Polling Station Silsury I,II,III bakah Zopui Polling station kawlphetha luh lohna leh ke a kal ngai dinhmunte a tarlang a,EVM 1st Randomisation neih tawhte, Team hrang hrang chetchhuah tawhnate a tarlang tel a ni.

Vawiin thutkhawmah hian Pu K.Laltlawmlova, District Election Officer, Pu Manny Bhushan Singh, SP Mamit, Pu Malsawmzuala, Returning Officer, Pu Lalnunfela Chawngthu, Election Officer, Assistant Returning Officer bakah Nodal Officers te an tel a ni.