GREEN MJA DAY LAWNGTLAI AH HMAN A NI

Lawngtlai Today, July 04, 2025: Vawiin khan Mizoram Journalists Asociation Lawngtlai Dist. ten Green MJA Day 2025 hman niin, Lawngtlai bul Chawnhu a 132 KB Power Sub-Station leh a chhehvel ah Thingṭiak an phun.

Green MJA Day hmanpuitu P&E Lawngtlai Division a Executive Engineer Er.David Chakma chuan, Environment humhalh a pawimawhzia te, Thingphuna boruak tha vawnnun a ngaih nasat zia te sawiin, chanchinbumiten ram nuam zawk siam tura thingphun an uar chu a hlu hle ani, a ti a. Vawiina an Thing phunte chu P&E Department ten an enkawlzui tur thu a sawi bawk.

Pu Elvis Lalthangzuala President MJA Lawngtlai Dist. pawn thu sawiin, MJA te hian kum tin hmun hrang hrangah thingtiak anlo phun nual tawh thu a sawi a, kan ram hi ram nuam leh tha zawk a siam turin thingphun belh sauh sauh a ngaihthu leh kan thing phun te a humhalh tu vek kan nih hi a pawimawh hle a ni, a ti.

Green MJA Day hi Mizoram a District hrang hrangah Lawngtlai District MJA chiah hi hmang thin awmchhun an ni a, kumtinin Thingtiak phunbelh leh an phun tawhsa thawmthat leh enkawlzui nan an hmang a; Hei hi kum 2016 atanga lokal pui tawh a ni.

#zonews #chanchinthar #tualchhung #lawngtlai