MINISTER PROF. LANILAWMA’N GAC FEST 2025 A HAWNG

#ZONEWS Mizoram October 27, 2025: Vawiin khan Prof. Lalnilawma, Minister, Public Health Engineering etc. chuan Govt. Aizawl College in GAC Fest 2025 an buatsaih chu a hawng.

Khuallian Prof. Lalnilawma chuan zirlaite tan zirna a pawimawh rualin kawng tinrenga hmasawnna (all round development) a pawimawh tel thu a sawi a. He GAC FEST pawh hi chutianga rilru, taksa, thlarau, midangte nena thawhho zirna leh midangte tana luanchhuahna programme tha tak a nih thu a sawi. Minister chuan NEP 2020-in zirna kalphung thar a ken tel zinga hruaitu nih zirna leh harsatna sutkian dan zirna a sawi te a taka hmanchhuahna remchang anih ngei a beisei thu a sawi a. GAC FEST pawh chu ngaihdan thar zawnchhuahna leh entrepreneur thar hmuhchhuahna programme pawimawh tak a nih a beisei thu a sawi.

He programme hi Principal Pu Lalbiakzuala’n kaihhruaiin, Pu Mark V. Vanlalrema, Organising Secretary hnen atangin report ngaihthlak a ni. He hunah hian Vigilance Awareness Week thutiam chhanruahna hun neih a ni bawk.

He FEST ah hian dawr 32 pho chhuah niin a tam zawk hi zirlai ten an thiamthil leh theihna an phochhuahna a ni a, dawr hrang hrangte hi Minister hian a fang kual a, FEST hi ni 28 October thleng a neih tur a ni.