Expenditure Observer hovin 2-Dampa (ST) AC By-Election hmachhawn tura candidate-te sum hman dan enfel

#ZONEWS Mamit October, 2025: Vawiin khan DC Conference Hall-Mamit-ah 2-Dampa (ST) AC By-Election Expenditure Observer Mr. Shyam Kumar, IDAS hovin Dampa bial By-Election atana candidates-te sum hman dan enfel vawikhatna neih a ni.

Vawiin hian Dampa bial By-Election kalpuina tura Political Party candidates te’n sum an hman dan uluk taka enfiah a ni a, inthlanna senso atana hman theih leh a rate bituk anga hman a ni em tihte Expenditure Observer ho hian enfiah a ni a, candidates-te sum hman dan enfel thawhkhatna-ah hian felhlel leh diklo hmuh a ni lo a, tluang taka endikna neih a ni.

Vawiin Expenditure Observer hova candidates te sum hman dan enfelna-ah hian Returning Officer, Asst. Returning Officer, Asst.Expenditure Observer, Accounting team leh Candidate expenditure Agents-te an tel a ni.