MIZORAM SECRETARIAT SERVICE ASSOCIATION (MSSA) 20th GENERAL CONFERENCE

#ZONEWS Aizawl November 20, 2025 : Mizoram Secretariat Service Association te chuan vawiin ni 20.11.2026 (Ningani) hian General Conference an hmang a. General Conference hi Pu C. Lalsawivunga, Hon’ble Minister, AH&Vety etc in Chief Guest niin a hmanpui.

MSSA General Conference vawi 20-na hi Woodland Hills-ah neih a ni a. Conference hi Session thumah then niin Pi Betsy Zothanpari Sailo, President MSSA leh Secretary, IPRP&S ni bawk-in a kaihruai a, MSSA Member boral pahnih sunna neih a ni. He hunah hian member infuihtharna, rorel leh hruaitu thlanna neih a ni a. Tlaiah chawhlui kilhona neih a ni.

Chief Guest Pu C. Lalsawivunga chuan MSSA member te chu sorkar kutke pawimawh (backbone) an nih thu sawiin, ram leh hnam tan hmasawnna tur a thawk chhunzawm tur leh ngaihtuahna seng zel turin a fuih a. MSSA member te chu sawrkar inrelbawlna rules leh procedure a tak a hre ber leh hmang nasa ber an nih a ang ngei a sawrkar tha siamna kawng a hmahruaitu ni tur leh an hnathawhna a Kristian ethics vawng nung zel turin a chah a. Mi dangte tana thawk an nihna te hre reng chunga dikna leh rinawmna nen thahnemngai taka thawk turin a fuih bawk. Minister hian Association-in sawrkara an thil thlen te sawrkarin a hriat thu leh a ngaihpawimawh thu a sawi.

MSSA ah hian member 261 an awm mek a, Conference kal pawh an ṭha hle.