Mamit-ah Capacity Building Programme hman a ni

#ZONEWS Mamit December 9, 2025 : Vawiin khan Tourism Department leh Mamit DC Office tangkawp buatsaihin LAD Conference Hall Mamit-ah Capacity Building Programme neih a ni.

Pu Lalnunfela Chawngthu, SDO (C) in thusawiin Tourism hmasawn theihna tur hrang hrangte, tourism a hmasawnna atana kan tih theih leh tih tur te a sawi a. Tourism chu kan hman thiam chuan sum lakluhna hnar pawimawh tak a ni thei a ni tiin, ei leh in kan sawngbawl danah pawh thianghlim taka khualzinte ei chak zawnga kan siam te a tul thu a sawi bawk.

Pi R. Lalrodingi., Director, Tourism pawhin hun hmang tura kalte chungah lawmthu sawiin, Tourism Service Providers hrang hrangte leh NGO te tourism hmasawnna tura an pawimawhna te a tarlang a. Local tourism pawimawhna leh tun aia nasaa inzin pawh a tul thu a sawi bawk. Local tourism than theihna turte bakah Community Based Tourism tun aia nasaa a than a tul thu leh Tourism sector a hmasawnna atana pawimawh scheme awm theite hrilhhriatna a nei bawk a ni. Rampawn leh chhunga khualzinte sum an rawn hman theihna tura kan hmunhmate lo buatsaih a tul a, an chunga that chhuah theihnghilhlo turin kalkhawmte a sawm bawk a ni.

Pi Ramsangzuali, Tourism Officer pawhin VC leh NGO hruaituten Tourism hmasawnna atana pawimawihna an neihte a sawi bawk.

He hun hi Pi Lalrampari, SDC chuan kaihruaiin Mamit khawchhunga Tourist Service providers hrang hrang te bakah, VC leh NGO hruaitute ăn tel a,  kalkhawmte atangin zawhna leh chhanna hun hman a ni bawk.