MIZORAM STATE PROJECT MONITORING COMMITTEE THUKHAWM

#ZONEWS Aizawl December 9, 2025: Vawiin khan Chief Minister Pu Lalduhoma kaihhruaiin Mizoram State Project Monitoring Committee te chu CM Conference Hall-ah an thukhawm a. Kumin chhunga Project an endik 40 te report an thlirho. Hei hi MSPMC General Body Meeting vawi 7-na a ni.

Chief Minister chuan, project thenkhat hi pumpelh theih loh harsatna eng emaw avanga hna kalpui theih loh hi an awm ve lo thei lova. Chuvang chuan, kan project endik tur chanchin kimchang kan hriat lawk theih nan endik tura in thlante hi min rawn hriattir hmasa ta ula, in hnathawh a kal chak zawkin ka ring. Tin, nikum kan hnathawh report bu kha a tha hle mai a. Kan MLA zawng zawngten an neih ve ngei a thain ka hria, a ti.

Pu R. Lal Rinawma, Vice Chairman chuan, an project endik tawhte atanga hlawhtlinna an hmuh langsar zualte a tarlang a. Er. Lalthanzuala Ralte, Member Secretary chuan project a pe a ni.

Project Monitoring Committee hian nikum chhungin project 47 an endik a, kumin April thla atanga vawiin thlengin project 40 an endik a. Project an endik tawh zawng zawng hi 87 a ni. Vawiin meeting-ah hian kumina an endik bikte report an thlirho a. Kumina an endik project 40 te hi Social sector-ah project 13, Education, Health leh Agriculture sector-ah te project 5 theuh, Communication (Road & Bridges) ah leh Industrial sector-ah project 4 ve ve, Vety leh Public Health sector-ah project 1 ve ve leh Energy sector-ah project 2 te an ni.

Vawiina General Body Meeting hian Project thar thawh tur DPR ah Life Cycle Costing chipchiar tak telh thin ni se – tia rawtna chu an sawi hova, project pakhatah pilot anga kalpui chhin tha an ti a.

Project thar thawh turah DPR siam dawnin, a theih chen chen chu project-in a hrut tel tur hote nena inhrilhhriatna leh inrawnkhawmna neih zel ni se. Project Executing Department ten project hna tan dawnah Nodal Department, Contractor leh Implementing Agency te chu Project Management Plan Quality Control chungchang inhrilhfiahna hun nei ngei thin se, an ti.

Meetingah hian member te an kal tha hle a ni.