HIGH SCHOOL RANKING – 2025 RESULT PUAN A NI

#ZONEWS Aizawl December 10, 2025: Vawiin khan Mizoram State Commission for Protection of Child Rights (MSCPCR) huaihawtin Aizawl Municipal Corporation (AMC) huam chhunga MBSE recognized High School-te School tha tehna ranking result puanna leh lawmman semna hun, Economics & Statistics Conference Hall, MINECO-ah  hman a ni a, Information, Public Relations, Printing & Stationery (IPRP&S) Minister Pu B. Lalchhanzova chuan khuallian niin hun a hmanpui a, Pi Vanhmingliani, MSCPCR Member-in hun hi a kaihruai a ni.

School ranking 2025-ah hian Nazareth Higher Secondary School-in point hmu sang berin 1-na an ni a, Govt. Central High School chu 2-na niin Living Water School chu 3-na an ni.

Minister Pu B. Lalchhanzova chuan thu sawiin, school tha chu exama pass tha thinte ringawt ni loin khawtlang tana mi hmantlak chher chhuak thei, naupangte dikna leh chanvo zah thiama, mi hlawhtling chher chhuak thinte hi an nih thu a sawi a.  School tha tehna atan Exam result chauh kan hman thin thu leh hei hi School tha tehna atana tehfung tha famkim leh rintlak a nih ber loh thu a sawi a, School Ranking siamna atana zirchianna pawh hi Exam result mai ni lovin, Child Rights (naupangte dikna leh chanvo) behchhana kalpui a nih thu sawiin naupangte thanlenna tur leh hmasawnna tur atana environment tha siam chu thil pawimawh tak a nih thu a sawi a; school tam zawkte hian naupang kan hmangaih em em rualin an dikna chanvo te kan lo hriat sak tawk lovin, anni naupangte ngei pawhin an hre lo hle tih zirchianna atangin a lang a, School leh khawtlang tangruala kan naupangte chanvo humhalh hi kan tih mak mawh a ni tih kan hriat thar a tul hle a ni a ti bawk.

Vawiin hun hmannaah hian Pu Jimmy Laltlanmawia, MSCPCR Chairperson pawhin thu sawiin Prof. Lynda Zohmingliani, Principal Investigator hnen atangin zirchianna (research) kalpui dan report ngaihthlak a ni a, zirchiannaah hian lehkhabu chhung thiamna piah lamah naupangte chanvo kil nga (5) – 1. Right to Education 2. Right to Equality 3. Right to Right to Protection 4. Right to Health 5. Right to Participation te thlurbing an ni.

School tha zirchianna nei tur hian Dept. of Education, Mizoram University (MZU) rawih an ni a; AMC area huam chhunga MBSE recognized High School 120 te zir chian niin naupangte dikna chanvo (Child Rights) lama an tih that dan tehkhawnga hmangin zirchianna (research) hi uluk leh fimkhur taka kalpui a ni.

School Ranking research kalpui dan:

Aizawl Municipal Corporation huam chhunga MBSE recognized High School zawng zawngte zir chian an ni.

Heng school-a Headmaster/Principal te, zirtirtu te, zirlai naupang te leh zirlai nu leh pate kawmna neih niin questionnaire chhantir a ni.

Heng school-a Headmaster/Principal zawng zawngte hi kawmin questionnaire an chhang a, zawhna 35 an chhang a ni.

Zirtirtu 240 ten zawhna 35 an chhang a, zirlai 1169 ten zawhna 52 chhangin zirlai nu leh pa (parents) 1037 ten zawhna 35 an chhang bawk a ni.

 Category hrang hranga a titha zual 10-te chu hengte hi an ni :-

1st – Nazareth Higher Secondary School

2nd – Govt. Central High School

3rd – Living Water School

4th – Residential School for Privileged Children

5th – Tej Singh Gorkha High School

6th – Govt. Chaltlang High School

7th – Staines Memorial School

8th – Govt. Durtlang High School

9th – Little Kingdom School

10th – St. James School

Right to Education-a school titha zual sawm te:

1st – Nazareth Higher Secondary School

2nd – Tej Singh Gorkha High School

3rd – Govt. Central High School

4th – Olas Academy

5th – Residential School for Privileged Children

6th – Chawlhhmun High School

7th – Living Water School

8th – Calvary Comprehensive School

9th – Christ Kingdom School

10th – Little Light School

Right to Equality-a school titha zual sawm te:

1st – Nazareth Higher Secondary School

2nd – Tuikual South High School

3rd – Tej Singh Gorkha High School

4th – Olas Academy

5th – Special Blind School

6th – Govt. Tanhril High School

7th – Calvary Comprehensive School

8th – Govt. Tinzagina High School

9th – Govt. KVM High School

10th – Govt. Central High School

Right to Protection-a school titha zual sawm te:

1st – Rosebud School

2nd – Staines Memorial School

3rd – Neuhof English Medium School

4th – Living Water School

5th – Greenland Higher Secondary School

6th – Goodwill Foundation School

7th – St. James School

8th – Nazareth Higher Secondary School

9th – Olas Academy

10th – Govt. Central High School

Right to Health-a school titha zual sawm te:

1st – Christ Kingdom School

2nd – Residential School for Privileged Children

3rd – St. James School

4th – Helen Lowry School

5th – Calvary Comprehensive School

6th – Govt. Chaltlang High School

7th – Govt. Zemabawk High School

8th – St. Stephen’s School

9th – St. Anthony’s Higher Secondary School

10th – Govt. Central High School

Right to Participation-a school titha zual sawm te:

1st – Children Guiding School

2nd – Olas Academy

3rd – Nazareth Higher Secondary School

4th – Shemford Higher Secondary School

5th – Little Kingdom School

6th – RS School of Learning

7th – Govt. Mizo High School

8th – Staines Memorial School

9th – Govt. Bungkawn High School

10th – Govt. Central High School

Pu Darthakunga, Commission Member chuan kalkhawmte hnenah lawmthu sawiin hun a khar a ni.