Assam state loneitu mi nuai 20 zette chuan PM-KISAN scheme hnuaiah tanpuina ₹422 Crores zet an dawng.

#ZONEWS August 02, 2025:
Nimin khan Assama Agriculture tihhmasawnna turin Assam state chhung hmun hrang hranga loneitu mi nuai 20.31 zette chuan Direct transfer hmangin an bank account-ah ₹422 Crores zet an dawng a. Hei hi Pradhan Mantri Kisan Samman Nidhi (PM-KISAN) scheme hnuaiah a ni.

He sum pek chhuah hi PM-KISAN scheme hnuaia an pek chhuah instalment 20-na a ni a. Prime Minister Narendra Modi chuan, Varanasi, Uttar Pradesh atangin he sum pek chhuahna hun hi a hmang a ni. He scheme hnuaiah hian India ram chhung hmun hrang hranga loneitute tan, tun tum instalment bikah hian ₹20,500 crore zet pek chhuah a ni.

Assam Agriculture Minister Atul Bora chu KVK, Kahikuchi, Guwahati atangin online-in a tel ve a, ani bakah hian Union Minister of state Pabitra Margherita, MLA Hemanga Thakuria leh senior official tam tak an tel ve bawk a ni. Assam Minister chuan he hun hi “Assam loneitute tan chuan ni chhinchhiah tlak bik a ni” tiin a sawi hial a, langtlang leh hun bi awmze nei a, loneitute hnen thlang nghal (direct benefit transfer) a ni hi a sawi uar hle bawk.

PM-KISHAN scheme hnuaiah hian Loneitu a dawngtura thlan chhuahte chu instalment khat zelah ₹2,000 zel an accountah dah luh thin a ni. He scheme hian loneitute hnathawhna hun pawimawh bik atan hna pawimawh tak a thawk a ni.

He hun hi online-in Assam mi pawimawh tam takin an chhim bawk a, chung zingah chuan – Dr. Bidyut Chandan Deka, Vice Chancellor of Assam Agricultural University; Dr. P Uday Praveen, Director of Agriculture; Dr. G Kadirvel, Director of ATARI; leh senior scientists from Krishi Vigyan Kendra te an tel a ni.

PM-KISAN scheme hi kum 2019 khan tlangzarha hman tan a ni a. India rama agriculture mumal taka a kal theihna tura tanpuina pawimawh tak a ni chho ta a ni.