Bairabi ah Prime Minister in Bairabi to Sairang Rel kawng thar a hawnna pualin hun hman a ni

#ZONEWS Bairabi September 13, 2025: Prime Minister, Pu Narendra Modi chuan vawiin khan km 51.38-a thui Bairabi–Sairang broad-gauge rel kawng chu a hawng a. Khaw awmdan in a zir loh avangin Prime Minister hian Lengpui Airport atangin thu a sawi a, hemi pual hian Aizawl Lammual, Sairang leh Bairabi ah te hun hman a ni a. Prime Minister thusawi hi Video Conference hmanga live link a thlir ho a ni.

Prime Minister chuan vawiina a thusawina ah Aizawl chu India rel kawng map-ah a awm dawn ta a ni tih sawiin, he Rel kawng hi inkalpawhna mai nilovin, “hmasawnna kailawn-lifeline of transformation” a nih thu a sawi a, hei hian nunphung leh eizawnna a tidanglam dawn a, loneitute leh sumdawngte tan an thil lakluh leh hralh chhuah na a tizau dawn a, zirna leh hriselna lama inenkawlna pawh a tichangtlung dawn a ni, a ti.

Prime Minister in Rel kawng a hawn rual a Bairabi-a Rel kawng thar hawnna inkhawmah hian zai leh hnam lam te entir niin, school hrang hranga, a hmaa lo neih lawk tawh essay leh painting intihsiakna a lawmman dawngtute hnenah trophy pek an ni a. Prime Minister in Rel chhuakturte a vai liam rual hian zing Dar 10:00 -ah Bairabi atang Rel pahnih— Sairang lam pan leh Kolkata lam pan ten Bairabi Station hi an chhuahsan nghal bawk a ni.

He Bairabi leh Sairang inkar Rel kawng siam hna hautak leh liantham tak hi Km 51.38 a sei a ni a. Leiverh-tunnel 45, a vaiin 15.85 km a sei te verh niin, Lei(bridge) lian 55 leh Bridge tenau 88 te dawh a nih bakah station thar pali—Hortoki, Kawnpui, Mualkhang leh Sairang te siam an ni a. Lei dawh zawng zawng sei zawng hi 11.78 km(23%) lai a ni. He rail kawng siam a nih tak hnu hian Broad Gauge railway line chu Mizoramah a awm ve ta tih na a ni.

Vawiina Bairabi a Rel kawng thar hawnna puala hun hmanna ah hian Railway lam hotute leh District aiawhin, Pu Chinlianmanga, SDO Civil Bairabi te, Pu David A Lalhmingchhuana, DIPRO Kolasib te Pu Lalnunpuia  SDPO Kolasib te an tel a. Anni bakah hian khawtlang hruaitute, zirlaite leh zirtirtute leh mipui thahnem tak an tel bawk a ni.

Bairabi ah Prime Minister in Bairabi to Sairang Rel kawng thar a hawnna pualin hun hman a ni

2123/2025-2026

Bairabi, 13 September 2025 – Prime Minister, Pu Narendra Modi chuan vawiin khan km 51.38-a thui Bairabi–Sairang broad-gauge rel kawng chu a hawng a. Khaw awmdan in a zir loh avangin Prime Minister hian Lengpui Airport atangin thu a sawi a, hemi pual hian Aizawl Lammual, Sairang leh Bairabi ah te hun hman a ni a. Prime Minister thusawi hi Video Conference hmanga live link a thlir ho a ni.

Prime Minister chuan vawiina a thusawina ah Aizawl chu India rel kawng map-ah a awm dawn ta a ni tih sawiin, he Rel kawng hi inkalpawhna mai nilovin, “hmasawnna kailawn-lifeline of transformation” a nih thu a sawi a, hei hian nunphung leh eizawnna a tidanglam dawn a, loneitute leh sumdawngte tan an thil lakluh leh hralh chhuah na a tizau dawn a, zirna leh hriselna lama inenkawlna pawh a tichangtlung dawn a ni, a ti.

Prime Minister in Rel kawng a hawn rual a Bairabi-a Rel kawng thar hawnna inkhawmah hian zai leh hnam lam te entir niin, school hrang hranga, a hmaa lo neih lawk tawh essay leh painting intihsiakna a lawmman dawngtute hnenah trophy pek an ni a. Prime Minister in Rel chhuakturte a vai liam rual hian zing Dar 10:00 -ah Bairabi atang Rel pahnih— Sairang lam pan leh Kolkata lam pan ten Bairabi Station hi an chhuahsan nghal bawk a ni.

He Bairabi leh Sairang inkar Rel kawng siam hna hautak leh liantham tak hi Km 51.38 a sei a ni a. Leiverh-tunnel 45, a vaiin 15.85 km a sei te verh niin, Lei(bridge) lian 55 leh Bridge tenau 88 te dawh a nih bakah station thar pali—Hortoki, Kawnpui, Mualkhang leh Sairang te siam an ni a. Lei dawh zawng zawng sei zawng hi 11.78 km(23%) lai a ni. He rail kawng siam a nih tak hnu hian Broad Gauge railway line chu Mizoramah a awm ve ta tih na a ni.

Vawiina Bairabi a Rel kawng thar hawnna puala hun hmanna ah hian Railway lam hotute leh District aiawhin, Pu Chinlianmanga, SDO Civil Bairabi te, Pu David A Lalhmingchhuana, DIPRO Kolasib te Pu Lalnunpuia  SDPO Kolasib te an tel a. Anni bakah hian khawtlang hruaitute, zirlaite leh zirtirtute leh mipui thahnem tak an tel bawk a ni.