BURMA SIPAI SAWRKAR THAR CHUAN TOWNSHIP 63-ah MARTIAL LAW PUANG.

#ZONEWS August 01, 2025: Nimin July ni 31, 2025 khan military coup leader chuan National Security and Peace Commission ( NS &PC ) din tharin State Administration Council (SAC) Sorkar chu thiah a ni ta.

July 31 khan , Myanmar Interim sorkar thar hotu Senior General Min Aung Hlainga chuan thuchhuah siamin State leh Division 9 huam chhunga township 63-ah Martial law hman a nih tur thu a puang a ni.Chungte chu

Shan State -ah Township 15

Rakhine State -ah Township 14

Chin State -ah Township 7

Kachin State -ah Township 5

Kareni State -ah Township 3

Kayin State -ah Township 2

Sagaing Region-ah Township 9

Magwe Region -ah Township 5 leh

Mandalay Region -ah Township 3

a ni.

Tin , Chin State chhunga Martial law an puan township-te chu Kanpetlet, Thantlang, Paletwa, Tonzan, Mindat, Matupi and Falam te an ni.

Hetianga Sorkar tharin martial law an puan tharna chhan chu ni 90 chhunga heng bial chhungah ralthuam keng pawlte hmalakna tih tawp a nih theih nan leh remna leh muanna tundin vat an tum vang a ni.

Political analyst te chuan sipai sorkar thar inti ten an sorkar hming SAC chu thlakin National Security and Peace Commission NS & PC inti mah se an sorkar hnarkaitute chu sipai General rual hlir mai , a hma a mi a ngai tho tho an la ni si a,awmzia a nei thui vak dawn lo an ti a ni.

Thla 6 chhunga ram inrelbawlna lamah a fawng an vuan leh dawn chu a ni a, hun kal tawh aiin ramchhung buaina an hmachhawn nasa leh zawk dawn a, hnam sipai leh mipui sipai te do rawn avangin thi leh hliama tam zawk a awm phah leh dawn a ni an ti.He thil thleng tur hian khawpui leh thingtlang khua tam takah nghawng a neiin chhiatna namen lo a thlen leh ngei ang.

Min Aung Hlainga hi sorkar tharah hisn thuneihna hi a lem lem in prime minister hnenah hlan ni mah se , Commission tharah chharman tho a ni zui si a, prime minister hruai sorkar chu a controlna hnuaiah a awm dawn tho tho a ni.