PRESS CONFERENCE ON ‘SARDAR@150’ LAWNGTLAI PRESS CLUB AH NEIH A NI

#ZONEWS Lawngtlai October 31, 2025 : Vawiin chawhnu dar 1:00 PM Pu David Lalrinawma , Additional DC, kaihruaina hnuaiah Sardar Vallabhai Patel pian champhaphak vawi 150-  na ‘Sardar@150’ puala  hmalakna tur ruahmanna hrang hrang te Lawngtlai Press Club-  ah Chanchinbumite hrilh an ni.

Additional DC, Pu David Lalrinawma chuan Nehru Yuva Kendra ti a kan hriat thin chu, Mera Yuva Bharat ti a thlak a ni a, a thiltum chu NYK nen a danglamlo tih sawiin, tun tuma hmalakna tur ‘Sardar @ 150’  ah pawh Thalaite inpumkhatna tur lam hawi chu ngaihpawimawh a ni dawn a ti.

Pi N. Roseline,  Mera Yuva Bharat. Siaha chuan hmalakna tur chu ‘District Core Committee’  in a la ruahman dawn tih sawiin, ngaihpawimawh tur erawh duansa a ni a ti a.  Social Media Reel Contest, Essay Writing competition leh sardar @150 young leaders programme quiz – te neih tura ruahman a nih thu a tarlang. 

National Level Unity March-  chu  Indian Constitution Day, November ni 26 ah Sardar Vallabhai Patel pianna hmun Karamsad (Gujarat) atangin   Kevadia, Gujarat thleng neih a nih anga, he kawngzawh ah hian district tin atang mi pahnih theuh tel tur a ruahman a ni.

Attachment