Zofate tan Nitin thuthar rintlak
#ZONEWS July 10, 2025: India rama sawrkar damdawi in ṭha bik tehnaah Mizoram chhunga Primary Health Centre pathum – Kanghmun PHC, Darlawn PHC, leh Buarpui PHC te an tel thar.
#ZONEWS 10th July 10, 2025: Vawiin khan Er. Lalhriatpuia, Deputy Commissioner, Aizawl kaihhruaiin DC Conference Hall-ah kumin Independence Day vawi 79-na hman dan tur rel a ni.
#ZONEWS July 10, 2025: Mizoram Governor, General (Dr) Vijay Kumar Singh, PVSM, AVSM, YSM (Retd), President, Indian Red Cross Society (IRCS), Mizoram State Branch ni bawk chuan vawiin khan Govt. Aizawl College, Mualpuiah IRCS Mizoram State Branch tharthawhna hun hmanpuiin hmalakna tur duante a tlangzarh a. Mizorama Youth Red Cross Unit din hmasa ber Govt. Aizawl College leh a pahnihna Govt. T. Romana College-te hnenah Institutional Membership Certificate a hlan bakah, IRCS Mizoram State Branch hruaitu 7 te hnenah Life Membership Certificate a hlan nghal bawk.
#ZONEWS July 10, 2025: Ni hnih chhung awh tur Aizawl District Crime Review Meeting, 2025 chu vawiin khan SP, Aizawl Conference Hall-ah tan niin he Crime Meeting hi naktuk thleng neih a ni ang. Meeting hi Aizawl SP Pu Rex Zarzoliana Vanchhawng-in kaihhruaiin, Pu Ashok Malik, IPS, DIG (Northern Range) in a hawng a ni. Meeting-ah hian Aizawl SP bakah, Aizawl District chhunga Sub-Divisional Police Officer (SDPO)-te, Police Station a Officer-in-Charge (OC)-te leh Investigating Officer (IO)-te an tel a ni.
#ZONEWS July 9, 2025: Central Trade Union in rampum huapa nawrh a huaihawt, General Strike chu Joint council of Mizoram Rural Bank Union chuan zawm ve in, vawiin khan MRB Head Office, MINECO- kawtah MRB thawktu 150 chuang an kalkhawm.
#Zonews July 9, 2025: Mizoram State Sawrkar Notification Notification No. B. 12021/10/2004-TRP dt.01.06.2 020 leh Section 115 of Motor Vehicle Act 1988 (Act No. 59 of 1988)-in thuneihna a pek angin leh President, Village Council, Kawnpui-III in mipuite himna atan leh kawngpui dung a lo felfai zawkna atan ngenna a rawn thehluh angin a hnuai a mi ang hian SP Kolasib chuan thupek a chhuah.
#ZONEWS July 9, 2025: Mizoram Social Defence and Rehabilitation Board, Directorate of Social Welfare leh Working Committee on Ruihhlo Do te buatsaih, ruihhlo hmansual laka inven dan inzirtirna chu vawiin khan khar a ni.
