#ZONEWS: AIZAWL DC HOVIN INDEPENDENCE DAY 2025 HMAN DAN TUR REL A NI

#ZONEWS 10th July 10, 2025: Vawiin khan Er. Lalhriatpuia, Deputy Commissioner, Aizawl kaihhruaiin DC Conference Hall-ah kumin Independence Day vawi 79-na hman dan tur rel a ni.

Kumin Independence Day-ah hian zing nichhuah hunah Sawrkar leh Private building-ah te National Flag hoist-na leh sakhaw hrang hrangte’n kan ram leh mipuite tan tawngtaina neih ni se tia rel a ni a. Independence Day lawmna hi Lammualah zing dar 8-ah hman tura ruahman niin, Chief Minister Pu Lalduhoma chu khuallian tura beisei a ni. Hemi hnu hian Governor’s ‘At Home’ program chu dar 11-ah neih a ni ang.

Independence Day lawmnaah hian Parade contingent – Armed, Unarmed leh School neih theih tura beisei a ni a. Parade practice leh rehearsal-te hi Lammualah August 6 atanga tan tura rel a ni a, hemi ni atanga Independence lawmna hman zawh a nih thlengin Lammual chu mipui tan khar a ni dawn a ni. Independence Day lawmna atana mawhphurhna hrang hrang leh a mawhphurtu tur department-te rel fel a ni.

#zonews #chanchinthar #tualchhung #sawrkar