Central YMA hotute leh NHIDCL hotupa nizan khan inkawmin NHIDCL enkawl kawngpui chhe lutuk thawm ṭhat dan tur chungchang an sawiho

#ZONEWS July 25, 2025: NHIDCL Director, Amarendra Kumar chu nizan khan Central YMA pisa ah lengin Central YMA hruaitute nen an inkawm a. Inkawmnaah hian Mizoram chhunga NHIDCL enkawl kawngpui, a bikin Kawnpui leh Khamrang inkar kawng chhe lutuk chungchang te leh NHIDCL hnuaia thalaite tana Skill Development Training chungchangte sawiho a ni.

Central YMA hruaitute chuan tunhnaia Mizoram chak lakna kawngpui, Kawnpui leh Khamrang inkar kawng chhe lutuk chu a siamthat hna chak taka thawk tura an beisei thu leh hemi chungchangah hian Union Minister of Road Transport & Highways Nitin Gadkari hnenah hma la tura ngenna an thawn thu an sawi bawk.

Inkawmnaah hian Central YMA hruaitute – Pu Lalhmachhuana, President, Prof. Lalnuntluanga, Vice President, Prof. Malsawmliana, General Secretary leh Pu MS Ralte, Finance Secretary te an tel a ni.