Champhaiah Nasha Mukt Bharat Abhiyan vawi 5-na hman dan tur sawi ho a ni

#ZONEWS Champhai August 04, 2025: Vawiin khan DC Conference Hall, Keifangtlangah ruihhlo laka India puma beihpui, Nasha Mukt Bharat Abhiyan (NMBA) vawi 5-na hman dan tur sawi ho turin department hotute leh khawtlang hruaitute Champhai Bawrhsap Pu Mohammad Aaquib hovin an thukhawm.

NMBA hi August ni 1 atanga ni 31, 2025 chhunga hman tur niin August ni 13 hian kum 5 a tlin pualin programme hman tum a ni. Pisa leh sikul hrang hrangah intiamkamna thu chham rualna neih a ni ang a, essay inziahsiak te leh thisen pek runpui (blood donation camp) te neih a ni bawk ang. Chairman Pu Mohammad Aaquib chuan meeting tel tura lo kalkhawmte chungah lawmthu a sawi a, ruihhlo dona kawnga hmalakna tha tak a nih theih ngei a beisei thu sawiin chanvo nei te tha taka mahni tihtur ti theuh turin a fuih a ni.