Chief Minister hovin Co-Operation Department hnuaia hmalaknate thlirho

#ZONEWS Aizawl October 6, 2025 : Vawiin khan Mizoram Chief Minister Pu Lalduhoma hovin, Chief Minister Conference Hall, Zarkawtah, Mizorama Cooperative Federation hrang hrang chungchang ngaihtuahin a kaihhnawih Department changtu Minister-te leh Department hotute an thukhawm.

Thutkhawmnaah hian Cooperation Department hnuaia Cooperative Federation hrang hrangte dinhmun thlirhona leh Federation-te kal zeldan tur bakah harsatna an tawhte leh an mamawhte sawiho a ni a. Pu Udid Prakash Rai, Commissioner&Secretary, Cooperation Department chuan sawihona hi kaihruaiin, Mizorama Cooperative Federation zingah, changtlung taka la kal leh a thang zawnga kal chu an tam lutuk lo tih a sawi a. Cooperative federation-te chuan a tlangpuia harsatna an tawh chu loan pek chhuah tur chungchang a nih thu a tarlang bawk a ni.

Vawiin meeting-ah hian Cooperation Department kaihhnawih Veterinary&Animal Husbandary Dept-te, Agriculture Department leh RD&A bakah, Food, Civil Supplies&Consumer Affairs Department changtu Minister leh hotute an tel a ni.