CHIEF MINISTER-IN NORTH EAST CATHOLIC COMMUNITY OF DELHI FRESHER SOCIAL A HMANPUI

#ZONEWS Aizawl September 08, 2025: Nimin khan Chief Minister Pu Lalduhoma chuan St. Xaviers Sr. Secondary Millenium Hall, New Delhi-a Northeast Catholic Community of Delhi (NECCOD) Fresher Social vawi 33 na chu khuallian niin a hmanpui a, Dr. Vanlalthlana, IPR & PS Minister leh Pu Richard Vanlalhmangaiha, MP ten an tawiawm.

Chief Minister hian, Catholic kohhran hi India rama zirna, hriselna leh mi chhumchhiate chhawmdawlna lama langsar taka rawngbawl thin an ni a. Mizoramah pawh rawngbawlna ropui tak tak an kalpui nasa hle. Zoram Entu Pawl chu tanpui ngaite tanpuitu kan neih langsar an ni a, Aizawla sorkar High School ni lo High School hmasa ber St. Pauls High School dintu niin kum 1953 ah an din a. Vawiin thlenga Mizorama High School tha bera ngaih ni thei khawpin an kalpui a ni. Zirna in tha tak tak dang pawh tam tak an nei. He kohhran mi leh sa, ram hruaitu langsar tak tak, Mizoram Chief Minister hmasa ber Pu Ch. Chhunga te, Assam Public Service Commission Chairman Pu R. Thanhlira te, Assam sorkara Mizo Minister hmasa ber Pu A. Thanglura te, Pu FC Nghina te, Pu J. Lalsangzuala te leh midang tam tak kan lo nei tawh thin. St. Anthony College, Shillong te chu NE India-a college lar hmasa a ni.

In nu leh paten ram leh khawtlang tana eng an lo chhit tawh kha thangtharten in chhunzawm zel a tul ka ti a. In rawngbawlna ropui tak tak zar zotu kan tam tawh em em a, vawiin thlengin kan ram hian in rawngbawlna hi a chhawr em em a ni, a ti.

Catholic kohhran mi leh sa, Delhi-a khawsate huikhawmtu tha tak NECCOD an nei chu tha a tih thu sawiin, kuminah Fresher Social vawi 33-na hial a buatsaih ta a. Kum sawm thum chuang tangkai takin rawng a bawl tawh a, kohhran leh ram tan chauh ni lovin hmarchhak mipuite inunaunan pawh NECCOD hian a thawhhlawk hle a ni, tiin NECCOD rawngbawlna a fak a ni.

Fresher Social ah hian Agnes Fanai chu Master of Ceremony a ni a, Pu Lucas L. Kamsuan, Joint Secretary, Ministry of Finance chu khualzahawm niin, Pu B.K. Angam, President of NECCOD pawhin thusawina hun a hmang a. Mr. Ngaopuni Manah, General Secretary, chuan lawmthu sawiin, Rev. Fr. Vijay Baretto chuan inkhawm a khar a ni.

Tunah hian member sang hnih vel an awm mek.

CHIEF MINISTER-IN NORTH EAST CATHOLIC COMMUNITY OF DELHI FRESHER SOCIAL A HMANPUI

2016/2025-2026

Aizawl, the 8th September 2025: Nimin khan Chief Minister Pu Lalduhoma chuan St. Xaviers Sr. Secondary Millenium Hall, New Delhi-a Northeast Catholic Community of Delhi (NECCOD) Fresher Social vawi 33 na chu khuallian niin a hmanpui a, Dr. Vanlalthlana, IPR & PS Minister leh Pu Richard Vanlalhmangaiha, MP ten an tawiawm.

Chief Minister hian, Catholic kohhran hi India rama zirna, hriselna leh mi chhumchhiate chhawmdawlna lama langsar taka rawngbawl thin an ni a. Mizoramah pawh rawngbawlna ropui tak tak an kalpui nasa hle. Zoram Entu Pawl chu tanpui ngaite tanpuitu kan neih langsar an ni a, Aizawla sorkar High School ni lo High School hmasa ber St. Pauls High School dintu niin kum 1953 ah an din a. Vawiin thlenga Mizorama High School tha bera ngaih ni thei khawpin an kalpui a ni. Zirna in tha tak tak dang pawh tam tak an nei. He kohhran mi leh sa, ram hruaitu langsar tak tak, Mizoram Chief Minister hmasa ber Pu Ch. Chhunga te, Assam Public Service Commission Chairman Pu R. Thanhlira te, Assam sorkara Mizo Minister hmasa ber Pu A. Thanglura te, Pu FC Nghina te, Pu J. Lalsangzuala te leh midang tam tak kan lo nei tawh thin. St. Anthony College, Shillong te chu NE India-a college lar hmasa a ni.

In nu leh paten ram leh khawtlang tana eng an lo chhit tawh kha thangtharten in chhunzawm zel a tul ka ti a. In rawngbawlna ropui tak tak zar zotu kan tam tawh em em a, vawiin thlengin kan ram hian in rawngbawlna hi a chhawr em em a ni, a ti.

Catholic kohhran mi leh sa, Delhi-a khawsate huikhawmtu tha tak NECCOD an nei chu tha a tih thu sawiin, kuminah Fresher Social vawi 33-na hial a buatsaih ta a. Kum sawm thum chuang tangkai takin rawng a bawl tawh a, kohhran leh ram tan chauh ni lovin hmarchhak mipuite inunaunan pawh NECCOD hian a thawhhlawk hle a ni, tiin NECCOD rawngbawlna a fak a ni.

Fresher Social ah hian Agnes Fanai chu Master of Ceremony a ni a, Pu Lucas L. Kamsuan, Joint Secretary, Ministry of Finance chu khualzahawm niin, Pu B.K. Angam, President of NECCOD pawhin thusawina hun a hmang a. Mr. Ngaopuni Manah, General Secretary, chuan lawmthu sawiin, Rev. Fr. Vijay Baretto chuan inkhawm a khar a ni.

Tunah hian member sang hnih vel an awm mek.