Directorate of Geology & Mining Department ten “Joint Meeting on Formulation of Action Plan for Systematic Exploration and Exploitation of Mineral Resources” an buatsaih
#ZONEWS Aizawl August 07, 2025 : Directorate of Geology & Mining, Mizoram chuan ni 7 August 2025 khan Aijal Club, Aizawl-ah “Joint Meeting on Formulation of Action Plan for Systematic Exploration and Exploitaion of Mineral Resources” a buatsaih a. State chhunga leilung hausakna mumal taka zawn chhuah leh hman tangkai dan tur Action Plan kimchang tak siam a ni a. Meeting-ah hian Geological Survey of India (GSI), Oil India Limited, CMPDI, leh technical agency dangte aiawh pawimawh tak tak an tel bawk.
He meeting hi Dr. Lalzirmawia Chhangte, Commissioner Secretary, C&I Deptt. Kaihhruaina hnuaia neih a ni.
He hmalakna hi June 2025-a Guwahati-a 2nd North-East Mining Minister’s Conclave neih zawh taka hmalakna chhunzawmna a ni. Vawiin programme-ah hian Mizoram leilung pianhmang leh chumi in a leilung hausakna a neih theih dan tur sawihona hun hman ania. Lungalhthei, tuialhthei leh natural gas kan tih te leh chinailung (limestone) zawn chhuahna kawnga hmalak dan tur te bakah leimin zirchianna Mizoram chhunga kan lo kalpui tawh dan te sawi a ni hawk.
He hunah hian agency hrang hrangte thawhhona tihhmasawn leh Mizorama leilung hausakna zawn chhuah leh haihchhuahna kawnga hma an sawn dan tur rel in panel discussion neih a ni.
Discover more from Zonews
Subscribe to get the latest posts sent to your email.
