Environment Forest and Climate Change hnuaia Wildlife Division chhinchhiah danin, Mizorama dan lova ramsa leh sava tawlhruk man zat chu 1103 a tling tawh.

#ZONEWS August 14, 2025: Environment Forest and Climate Change hnuaia Wildlife Division chhinchhiah danin, Mizorama dan lova ramsa leh sava tawlhruk man zat chu 1103 a tling tawh.

Wildlife Division hotuten an sawi danin, heng ramsa tawlhrukte hi Assam Rifles, Border Security Force, Directorate of Revenue Intelligence-te bakah Custom Department leh Mizoram Police-te leh Central YMA Anti Drug Squad ten an man a ni a, a tlangpuiin Burma lam atanga lo kal a ni.

Wildlife Division-te chhinchhiah danin dan lova nungcha tawlhruk zingah hian laiking a tam ber a, laiking chi hrang hrang 500 chuang man a ni a, heng bakah hian sava chi hrang hrang , satel leh rul chi tam tak bakah awle thlenga dan lova tawlhruk a nih thin thu an sawi bawk. Wildlife Division hotute chuan, heng nungcha dan lova tawh ru thin te hian an nungcha tawlhruk thin te chu bawm tawt tak takah te leh boruak luh theih mang lohna-ah te riltam tak leh dang char taka an dah thin thu sawiin thuneitu lamin an hnena an rawn dah nungcha tam tak chu chhan hman lova an thih thin thu an sawi bawk.

Wildlife Division-te hian dan lova nungcha tawlhruk thuneituten a anmahni hnena an rawn dah bakah hian, Mizoram chhunga awmsa nungcha mihringte chenna hnaih lutuk a awm lak sawn hna te leh nungcha hliam tuar mihringte chhar enkawl hna an theihtawp chhuahin an thawk thin a, kum 2020 June thla atanga vawiin thlenga Mizoram chhunga nungcha hliam tuar leh an awmna him loh avanga an lak sawn tak chuan 116 an tling tawh a ni.

Wildlife hotute sawi danin tunlai hian mihringte chenna in leh a chheh velah rul a inlar nasa hle a, rul seng hawi hna hi nitin deuh thaw rul lam tui mi inzawm khawm zo herbs te nen an thawk thin a ni.