Excise & Narcotics Department leh Assam Rifles tangkawpin tunhnai khan Methamphetamine ṭhahnem tak an man.

#ZONEWS July 25, 2025 Zirtawpni: Excise & Narcotics Department leh Assam Rifles chuan July ni 23 zan dar 7:30 khan Zote – Bulfek kawng pui, Champhai District-ah Methamphetamine Kg 1 & gram 110 (Tablet 10,100) leh a neitu nia puh Lalfakawma (kum 27) Dampui, Myanmar, tuna Champhai Kanan venga khawsa mek nia inchhal chu an man a, nimin July ni 24 khan Tuikhuahtlang, Aizawl-ah Methamphetamine Kg 1 & gram 972 (Tablet 20,000) leh a neitu nia puh mi pathum – Taj Uddin (kum 22), Mahub Hussain (kum 21) leh Halal Uddin (kum 21) mi te chu an man a, nimin vek khan Champhai District-a Tualte khuah Methamphetamine Kg. 5.555 (mum 50,500) leh a neitu-a puh Rochharliana (kum 30) Dilkawn, Champhai District-a khawsa ni-a inchhal an man bawk.

Methamphetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Court-ah hruai nghal an ni.

Excise & Narcotics department hian tun hnaiah dan bawhchiaa zu siamtute zu siamna hmun dapin zu bilh lai leh zu siam sa an tichhe nasa hle a, Kuminah Rakzu liter 41,222 man tawh a ni a, zu bilh lai Tin 79,444 tihchhiat a ni tawh bawk.