HEALTH MINISTER-IN WORLD ALZHEIMER’S DAY HMANPUI

#ZONEWS Aizawl September 23, 2025 : Vawiin khan Alzheimer and Related Disorders Society of India (ARDSI), Mizoram Chapter buatsaih ‘World Alzheimer’s Day, 2025’ chu Chanmari YMA Hall-ah hman a ni a. He hun hi Pi Lalrinpuii, Minister, Health & Family Welfare chuan khuallian niin a hmanpui.

Khuallian Pi Lalrinpuii chuan tunlai khawvelah mihring dam hun chhung rei tial tialin kum upate pawh an pun zel thu leh natna chi hrang hrangin a tlakbuak thin thu a sawi a. Kum upate’n natna an vei zinga enkawl leh buaipui ngai em em pakhat chu Alzheimer a nih thu leh he natna veite enkawlnaah chhungkua, thenawm khawveng leh kawtlang hriatthiamna leh intawiawm tawnna a pawimawh thu a sawi a. Vawiina World Alzheimer’s Day an hman hian Alzheimer chungchang hriatna zau zawk te, a hun taka natna hmuh chhuah leh he natna veite enkawlna tha zawk a thlen ngei a beisei thu a sawi a. Alzheimers hi cancer leh natna dang anga natna chi khat thluaksawngnatna a nih thu leh he natna veitei hi enhrang mai lova khawtlang leh mipuiin kan hriatthiam a pawimawh thu a sawi a. Pi Lalrinpuii chuan NITI Aayog leh ARDSI-te Alzheimer veite enkawlna kawngah an thawhho thu leh Mizoram sawrkarin Article 275(1) hnuaiah Alzheimer’s Home a sak mek thu a tarlang a ni.

Vawiin hun hi Dr. Robert L. Khawlhring, Vice President, ARDSI Mizoram Chapter chuan a kaihruai a. Prof H. K. Laldinpuii Fente-in thupui sawi hawnna hun a hmang a. Dr. Daniel Chianghnuna, Secretary, ARDSI Mizoram chuan lawmthu sawiin hun a khar a ni. He hunah hian Alzheimer chungchang slogan/poster presentation intihsiakna a awm a, Khuallian Pi Lalrinpuii’n a titha thlanchhuahte hnenah lawmman a hlan a ni.

ARDSI Mizoram Chapter hian phungbawm sawmin Alzheimer natna sawihona leh natna vei enkawltute zirna seminar leh workshop te an hmang thin a. Mizoram hmun hrang hrangah MUP, YMA leh kohhrante nen Alzheimer natna veite chhinchhiah leh tlawhchhuah hna an thawk a, an thihin an ral bawk thin a. Social media hmangin Mizoram pumah he natna veite chhungkuate inhriattawn leh intawiawmna an buatsaih bawk a ni.

A duh apiang tan ARDSI Mizoram Chapter-ah hian member a nih theih a. Life Member ni duh tan membership fee Rs 1000 a ni a, Annual Member tan Rs 100 a ni. He natna in a tihbuai chhungte inkawmhona atan ‘ARDSI Mizoram Chapter’ tiin Facebook leh Instagram-ah an awm a. Digital Monthly Bulletin thlatin chhuah a ni a. Harsatna leh zawh duh neite tan ARDSI counselor-te heng number 7005983633 & 9366191341 ahte hian an biak theih reng a ni.

HEALTH MINISTER-IN WORLD ALZHEIMER’S DAY HMANPUI

1548/2025-2026

Dated Aizawl, the 23rd September, 2025 : Vawiin khan Alzheimer and Related Disorders Society of India (ARDSI), Mizoram Chapter buatsaih ‘World Alzheimer’s Day, 2025’ chu Chanmari YMA Hall-ah hman a ni a. He hun hi Pi Lalrinpuii, Minister, Health & Family Welfare chuan khuallian niin a hmanpui.

Khuallian Pi Lalrinpuii chuan tunlai khawvelah mihring dam hun chhung rei tial tialin kum upate pawh an pun zel thu leh natna chi hrang hrangin a tlakbuak thin thu a sawi a. Kum upate’n natna an vei zinga enkawl leh buaipui ngai em em pakhat chu Alzheimer a nih thu leh he natna veite enkawlnaah chhungkua, thenawm khawveng leh kawtlang hriatthiamna leh intawiawm tawnna a pawimawh thu a sawi a. Vawiina World Alzheimer’s Day an hman hian Alzheimer chungchang hriatna zau zawk te, a hun taka natna hmuh chhuah leh he natna veite enkawlna tha zawk a thlen ngei a beisei thu a sawi a. Alzheimers hi cancer leh natna dang anga natna chi khat thluaksawngnatna a nih thu leh he natna veitei hi enhrang mai lova khawtlang leh mipuiin kan hriatthiam a pawimawh thu a sawi a. Pi Lalrinpuii chuan NITI Aayog leh ARDSI-te Alzheimer veite enkawlna kawngah an thawhho thu leh Mizoram sawrkarin Article 275(1) hnuaiah Alzheimer’s Home a sak mek thu a tarlang a ni.

Vawiin hun hi Dr. Robert L. Khawlhring, Vice President, ARDSI Mizoram Chapter chuan a kaihruai a. Prof H. K. Laldinpuii Fente-in thupui sawi hawnna hun a hmang a. Dr. Daniel Chianghnuna, Secretary, ARDSI Mizoram chuan lawmthu sawiin hun a khar a ni. He hunah hian Alzheimer chungchang slogan/poster presentation intihsiakna a awm a, Khuallian Pi Lalrinpuii’n a titha thlanchhuahte hnenah lawmman a hlan a ni.

ARDSI Mizoram Chapter hian phungbawm sawmin Alzheimer natna sawihona leh natna vei enkawltute zirna seminar leh workshop te an hmang thin a. Mizoram hmun hrang hrangah MUP, YMA leh kohhrante nen Alzheimer natna veite chhinchhiah leh tlawhchhuah hna an thawk a, an thihin an ral bawk thin a. Social media hmangin Mizoram pumah he natna veite chhungkuate inhriattawn leh intawiawmna an buatsaih bawk a ni.

A duh apiang tan ARDSI Mizoram Chapter-ah hian member a nih theih a. Life Member ni duh tan membership fee Rs 1000 a ni a, Annual Member tan Rs 100 a ni. He natna in a tihbuai chhungte inkawmhona atan ‘ARDSI Mizoram Chapter’ tiin Facebook leh Instagram-ah an awm a. Digital Monthly Bulletin thlatin chhuah a ni a. Harsatna leh zawh duh neite tan ARDSI counselor-te heng number 7005983633 & 9366191341 ahte hian an biak theih reng a ni.