Hnahthial District-a Vawk pul hri, ASF darh zel loh nan vawk chungchanga zawm tur thupek chhuah a ni

#ZONEWS Hnahthial August 20, 2025: Afircan Swine Fever natna tai darh zel loh nan a hnuaia tarlan ang hian Addl. DM, Pu Zothanmawia Khiangte chuan thupek a chhuah.

ORDER

(Under Section 163 of Bhartiya Nagarik Suraksha Sanhita, 2023)

Mizoram hmun hrang hrangah Vawk pul hri, African Swine Fever (ASF) a len thar leh mek avangin Hnahthial District chhunga Vawk Ia dam tha Iai te an lo him zel theih nan leh he hri hi a darh zel loh nan khuahkhirhna chhuah chhunzawm a lo tul leh ta a.

Chuvangin, kei, ZOTHANMAWIA KHIANGTE, Addl. District Magistrate, Hnahthial District hian Section 163 of Bhartiya Nagarik Suraksha Sanhita, 2023 in thuneihna min pek angin a hnuaia mi ang hian thupek ka ti chhuak e:

1) Hnahthial District chhungah District dang atangin Vawk, Vawksa leh vawksa atanga thil siam reng reng lak luh phal a ni lo.Tin, District chhung khaw pakhat atanga khaw dang a lak pawh phal a ni lo.

2) Tualchhung Vawk talh tur reng rengin Vawk hrisel tha ngei a ni tih finfiahna Veterinary Officer, Hnahthial emaw mahni khua theuha VC/VFA hnen atangin an nei ngei tur a ni.

3) Vawk damlo nei chuan a rang thei ang berin District Veterinary Hospital-ah emaw mahni khua theuha VFA /VC te hnenah an report thin tur a ni.

4) Vawk thi reng reng paih mai lovin desinfectant (chinai/ bleaching) nen thuk taka phum tur a ni.

5) Vawk neitu ten vawk damlo an hralh/ talh tur a ni lo.

He thupek zawm lo chu Section 223 of Bharatiya Nyaya Sanhita, 2023 dan hmangin hrem theih a ni ang. He thupek hian tul bik thila tihdanglam a nih loh chuan tihchhuah a nih atanga thla 2 (hnih) chhung a huam ang.

He thupek hi Seal nemin vawiin, 20th August, 2025 hian hming ka ziah hnan e.