INCOME RESIDENTIAL LEH TRIBAL CERTIFICATE CHUNGCHANGA LAWNGTLAI DISTRICT MAGISTRATE THUCHHUAH

#ZONEWS Lawngtlai August 05, 2025: Deputy Commissioner Office, Lawngtlaia Tribal Certificate, Residential Certificate, Income Certificate etc dilna dawn thin chungchangah a hnuaia mi ang hian District Magistrate chuan thuchhuah a siam.

CIRCULAR

DC’s Office, Lawngtlai a Tribal Certificate, Residential Certificate, Income Certificate etc. dilna dawn thin-ah Village Council leh Young Lai Association hriatpuina hi a diltu tur ten form an fill up hma a pekchhuah thin a awm tih hriat a ni a. Tin, Village Council leh Young Lai Association ten seal chhu a hming sign in an letterhead a blank/ruak in an pe chhuak thin tih hriat a ni.

Hei vang hian diklo taka hriatpuina lehkha siam chawp a awm thin tih hmuhchhuah a ni.

Chuvangin, tun hnuah chuan Lawngtlai District chhunga Village Council leh Young Lai Association ten hriatpuina lehkha pek chhuah chungchangah fimkhur tur leh form dahkhah loh te chu sign tawh lo turin kan in ngen a ni.

Sd/-
CHEEMALA SIVA GOPAL REDDY, IAS
District Magistrate
Lawngtlai District, Lawngtlai