BJP Mizoram State President thar Dr. K. Beichhua chuan kum 2028 MLA inthlanah MLA tam thei ang ber neih a, Sorkarna siam ngei an tum dawn tih a sawi.

BJP Mizoram State President thar Dr. K. Beichhua chuan kum 2028 MLA inthlanah MLA tam thei ang ber neih a, Sorkarna siam ngei an tum dawn tih a sawi.

Dr. K. Beichhua hian vawiin khan Upper Republic a BJP Pisa-ah thuthar lakhawmtute kawmin, BJP President thar a nih anga hmalak a tum dan hrang hrang a sawi a, Mizoramah BJP chu Kristian sakhaw dotu anga sawi a awm thin chu pawi atih thu sawiin BJP chuan ram hmasawnna a dah pawimawh hmasa ber zel a ti a, state chhunga hmasawnna tluan tling a awm theih nan BJP chu mipuiten an hriat chian a pawimawh takzet tih a sawi.

Dr K. Beichhua chuan President a nih angin kal dan tur mumal tak a nei a ti a, India hmasawn ruala Mizoram tihhmasawn chu a tum ber a ni tih sawiin Mizoten inpumkhatna tha tak an neih theih nan hmalak chu an tum hmasak a ni a ti a. BJP in hma an sawn zel theih nan a grass root level atanga siamthat chu a ngai pawimawh dawn tih sawiin thingtlang lamah unit level tam thei ang ber din a, BJP chu kristian dodaltu party ni lovin, hmasawn tir tu party an nihna chu mipui hrilhfiah a, kum 2028 a MLA inthlanah ah a tam thei ang ber MLA neih a, Sorkar siam chu an tum a nih thu a sawi bawk