Khawzawlah ASF avangin vawk 61 a thih belh

#ZONEWS July 15, 2025: AH& Vety Department chhin-chhiah danin nimin July ni 14, 2025 khan Khawzawl khaw chhungah ASF avangin vawk 61 a thih belh a, Vengthar-ah vawk 19 a thi a, Zaingen vengah vawk 11, Kawnzar vengah 10, Zuchhip vengah 7, Darngawn vengah 6, Hermon vengh 4, Lungvar vengah 3 leh Arro vengah pakhat a thi a, heti hian Khawzawl khawpui chhungah vawk pul hri len tirh atanga vawk thi tawh zawng zawng hi 333 a tling tawh a, hri kaihhnawiha vawk suat pathum a awm tawh bawk a ni.

Hetih lai hian nimin vek khan Lunglei district chhung khua leh veng pathumah vawk 33 a thi a, Siaha district khua leh veng pahnihah vawk 4 a thi bawk a, ASF avanga nimina Mizorma vawk thi zawng zawng hi 98 a ni. ASF kaihhnawihah nimin khan Lungliei district-ah vawk 24 suat a awm bawk.
Heti hian kuminah vawk hri len tirh atangin nimin thleng khan ASF avanga vawk thu zawng zawng hi 5674 a tling tawh a, hri kaihhnawiha vawk suar 1858 a tling tawh bawk a, Vawk pul hri ASF-in a nghawng khua leh veng hi 88 nia tarlan a ni bawk.

ASF avang hian Mamit district-ah vawk 183 a thi tawh a, vawk 55 suat a ni tawh a. Lawngtlai district-ah vawk 1727 a thi tawh a, vawk 394 suat a ni tawh a, Siaha district-ah thi tam berin 3149 a thi tawh a, vawk 934 suat a ni tawh a. Lunglei district-ah vawk 279 a thi tawh a, vawk 472 suat a ni tawh a, Khawzawl district-ah vawk 336 a thi tawh a, vawk 3 suat a ni.

#zonews #tualchhung #khawzawl