Khawzawlah Independence Day thlirletna neih a ni.

#ZONEWS Khawzawl August 21, 2025: Vawiin chawhnu dar 1 khan DC auditorium Khawzawlah Ni 15 August 2025, Independence day Mualvawm Field a lawmna chungchang thlirletna neih a ni a, Khawzawl Bawrhsap Pu K. Vanlalthiana’n a kaihruai.

Meeting-ah chuan kumin 2025 Independence day lawm dan chu hlawhtling leh tha an tih thu sawiin, kum dangah pawh Department hrang hrang ten thawhhona tha tak nei chunga chak zawk leh hmasawn zawk a hman a nih zel theih nan hma lak ngei tha an tih thu an sawi.

Khawzawl Bawrhsap, Pu. K Vanlalthiana pawhin kumin Independence Day chu duan lawk ang a tluang tak leh tha tak a hman a nih avanga a lawm thu sawiin, Department hrang hrang ten thawhhona tha an neih vanga a lawm thu a sawi a. Kum dangah pawh felfai leh hmasawn zawka hman zel anih theih nana tan la theuh turin kalkhawmte a sawm.

He hunah hian Pu Lalfakzuala, Addl. DC, Pu Timothy R. Lalhmangaiha, BDO bakah Khawzawl Head of Offices te kim takin an tel a ni.