KOLASIB AH CLEAN PUBLIC SPACES CAMPAIGN BUATSAIH A NI

#ZONEWS Kolasib July 24, 2025: Vawiin khan Gov’t Diakkawn Middle School – II, Diakkawn, Kolasibah UD&PA, Kolasib District buatsaihin SABB Campaign kal zelah ”Clean Public Spaces Campaign’ buatsaih a ni a, He hunah hian Pu Robert C Lalhmangaiha, Deputy Commissioner, Kolasib District chu khuallian niin, Govt Diakkawn Middle School -II zirlaite leh zirtirtute, SHG aiawhte leh he hun hmang tura sawmbikte an tel a ni.

He hunah hian Khuallian Pu Robert C Lalhmangaiha, Kolasib DC chuan thu sawiin, safai apnao bimari bhagao campaign chu kan thianghlim loh avanga kan chunga natna thleng thinte hnawhbo na campaign a ni ati a. Thianghlimna chu kan nun phung a a beh tlat chuan natna tam tak in min ngamlo a inenkawlna sum tamtak kan khawhral thin pawh a bo dawn a ni, a ti. Kalkhawmte hnenah chuan Kolasib District chu Mizoram a District fai ber ni thei turin kan tan angai a ni, a ti a. Faina chu hmun khat bik nilo in kan awmna hmun apiangah keimahni tel in ni thei se a ti bawk.

DC chuan naupang kalkhawmte bulah fuihna thu sawi zuiin, engkim kan tih turah kan chiang tur a ni, a ti a. Mizoram lo chu ram dang kan neilo a, chuvang chuan he ram thatna tur hian vawiinah kum naupang te ni rih mahse an ngaihtuahna an seng tur a ni, a ti bawk.

Pi Josephine Zonunsangi, District Urban Development Officer, Kolasib pawh in thu sawiin SABB Campaign neih mek pawimawhna leh faina chungchanga Kolasib tana hmasawnna tur a tarlang a. Sabb campaign kal zel tawpna an thleng thei chu lawmawm a tih thu sawiin,he campaign hlawhtlin nana thawktu zawng zawngte hnenah lawmthu a hrilh bawk. SABB campaign in a thupui ber chu kan nunah faina bet se tih a ni tiin, campaign a tawp hnu pawhin theihtawp a faina lama tan kan lak angai a ni, a ti.

Vawiin hunah hian ‘Clean home door to door campaign competition’ a lawmman dawngtu ALF te hnenah DC hian lawmman semna a nei nghal a. He Door to Door Campaign a lawmman pakhatna dawngtu hi Pi vulmawii niin, in 47 a tlawh hman a ni. DC leh DUDO te bakah hian Pu Lalhmachhuana, Diakkawn VCP & Chairman Joint VC, Kolasib leh Pu A Lalhrihmawia, Member, MJA Kolasib hnen atangin thusawi ngaihthlak a ni bawk.

Clean Public Spaces Campaign puala hun hman zawhah hian Gov’t Diakkawn Middle school-II naupangte nen School compound leh kawngpuia bawlhhlawh chhar fai hnatlang neih nghal a ni.