KOLASIB TOWN LAND COMMITTEE THUKHAWM

#ZONEWS July 16, 2025: Vawiin chawhnu khan DC Conference Hall, Kolasibah Kolasib Town Land Committee First Quarter thutkhawmna, District Bawrhsap leh Chairman nibawk Pu Robert C. Lalhmangaiha hovin neih a ni.

He hunah hian Pu Robert C. Lalhmangaiha , Kolasib DC chuan Kolasib Town Land Committee thutkhawmna an nei thei chu lawmawm a tih thu a sawi a. Kolasib Town Land Committee chu a pawimawh thu leh tul tak anih thu sawiin he hun a kalkhawmte chu ngaihtuahna fim tak seng turin a sawm a. A bik takin VCP te chu Land Committee-a an pawimawh zia tarlanna a nei bawk.

Pu H. Lalramliana, Settlement Officer, SDO (C) & Member Secretary nibawk chuan report tlangpui a pe a. Ram teh chu fimkhur taka kalpui anih thin dan tarlangin, ram indelhthuah awmlo turin Surveyor ten dik takin VCP te hriatpuina hnuaiah an teh thin a, chung ramte chu ASO-in a lo endik pui thin thu a sawi a. Technical hrang hrang paltlang ram te chu Land Committee-ah thlir ho thin niin, Aizawl-ah approved tura thawn chhoh thin a nih thu a sawi bawk. Kolasib Revenue Office chuan mipuite tana dawr nuam leh ram chungchangah dilna lolut te a rang lama chinfel sak tur in hma an lak thin thu a sawi a. SO Kolasib chu ram teh chungchanga harsatna tawk te tan engtik lai pawh a tanpui tura a inpeih reng thu a sawi bawk a ni.

Vawiin thutkhawmnaah hian House Site Pass 49 chu pawmfel a ni a, pakhat erawh chu la ngaihtuah that leh tura tih a ni . Periodic Patta pawh sawm pathum pawm a ni a, Land lease paruk chu pawmfel a ni bawk.