KOLASIBAH TEACHERS’ DAY HMAN DAN TUR REL IN THUTKHAWMNA NEIH A NI

#ZONEWS Kolasib August 28, 2025 : Vawiin chawhma dar 10:30 khan Kolasib DC Conference Hall-ah District Level Teachers’ Day Committee neih a ni a. He hun hi Kolasib DC Pu Robert C. Lalhmangaiha chuan a kaihhruai a ni.

He thutkhawmna ah hian Kolasib DC Pu Robert C Lalhmangaiha chuan thuhma sawiin, zirtirtute chu kawng engkima mihring nun kaihruaitu leh zirlai naupang enkawltu hlu tak an ni tiin, mawhphurhna sang tak an chelh thu a sawi a. Zirtirtute puala ni siam, Teachers’ Day chu hun pawimawh tak a nih thu a sawi bawk. Kolasib DC chuan Zirtirtute zingah National Awardee engemawzat an awm thin chu lawmawm a tih thu sawiin, heng zirtirtu tha kan neihte hi kan hma lawka Teachers’ Day lo thleng turah hian kan ngaih pawimawh a tulin, Teachers’ Day hi zirtirtu tha kan chawimawi nawn lehna hun pawimawh tak a ni, a ti bawk.

He hunah hian Pu Vanlalchhana, District Education Officer(DEO) leh Member Secretary ni bawk chuan Committee neih chhan – Teachers Day 2025 atana inbuaisaihna hrang hrangte sawi lanna a neih bakah kum danga Teachers’ Day lo hman tawh dante tarlanna hun a hmang a. Teachers’ Day September ni 5 a hman thin chu kumin ah hian Sawrkar chawlh a nih avangin State Level Committee chuan September ni 4 a hman turin ruahmanna a siam tih a tarlang bawk. Pu Vanlalchhana chuan National Foundation for Teachers’ Welfare Fund (NFTW) atan Zirtirtute’n sum an thawhkhawm thin chu kumin 2025 hian Kolasib District chhunga mi 1,064 in an thawh khawm thu sawiin, NFTW hi Zirtirtu harsatna tawkte tanpuina atan hman thin a nih thu a sawi a. Nikum 2024 khan NFTW Fund hi Kolasib District chhunga zirtirtu 5 in an dawng tih a tarlang bawk.

Vawiina Kolasib a District Level Teachers’ Day Committee neihna ah hian kumin September ni 4 a Teachers’ Day lawm dan tur hrang hrang sawi ho niin, Kolasib District chhungah chuan a huhova hmang lovin School tinte’n Teachers’ Day hi anmahni remchan angin hman mai nise tih a ni.

KOLASIBAH TEACHERS’ DAY HMAN DAN TUR REL IN THUTKHAWMNA NEIH A NI

1876/2025-2026

Dated Kolasib the 28th August, 2025 : Vawiin chawhma dar 10:30 khan Kolasib DC Conference Hall-ah District Level Teachers’ Day Committee neih a ni a. He hun hi Kolasib DC Pu Robert C. Lalhmangaiha chuan a kaihhruai a ni.

He thutkhawmna ah hian Kolasib DC Pu Robert C Lalhmangaiha chuan thuhma sawiin, zirtirtute chu kawng engkima mihring nun kaihruaitu leh zirlai naupang enkawltu hlu tak an ni tiin, mawhphurhna sang tak an chelh thu a sawi a. Zirtirtute puala ni siam, Teachers’ Day chu hun pawimawh tak a nih thu a sawi bawk. Kolasib DC chuan Zirtirtute zingah National Awardee engemawzat an awm thin chu lawmawm a tih thu sawiin, heng zirtirtu tha kan neihte hi kan hma lawka Teachers’ Day lo thleng turah hian kan ngaih pawimawh a tulin, Teachers’ Day hi zirtirtu tha kan chawimawi nawn lehna hun pawimawh tak a ni, a ti bawk.

He hunah hian Pu Vanlalchhana, District Education Officer(DEO) leh Member Secretary ni bawk chuan Committee neih chhan – Teachers Day 2025 atana inbuaisaihna hrang hrangte sawi lanna a neih bakah kum danga Teachers’ Day lo hman tawh dante tarlanna hun a hmang a. Teachers’ Day September ni 5 a hman thin chu kumin ah hian Sawrkar chawlh a nih avangin State Level Committee chuan September ni 4 a hman turin ruahmanna a siam tih a tarlang bawk. Pu Vanlalchhana chuan National Foundation for Teachers’ Welfare Fund (NFTW) atan Zirtirtute’n sum an thawhkhawm thin chu kumin 2025 hian Kolasib District chhunga mi 1,064 in an thawh khawm thu sawiin, NFTW hi Zirtirtu harsatna tawkte tanpuina atan hman thin a nih thu a sawi a. Nikum 2024 khan NFTW Fund hi Kolasib District chhunga zirtirtu 5 in an dawng tih a tarlang bawk.

Vawiina Kolasib a District Level Teachers’ Day Committee neihna ah hian kumin September ni 4 a Teachers’ Day lawm dan tur hrang hrang sawi ho niin, Kolasib District chhungah chuan a huhova hmang lovin School tinte’n Teachers’ Day hi anmahni remchan angin hman mai nise tih a ni.