LAWNGTLAI DISTRICT AGRICULTURAL MARKETING COMMITTEE THUKHAWM

#ZONEWS Lawngtlai December 4, 2025 : Vawiin chawhnu dar 2:00 PM khan Lawngtlai District Agricultural Marketing Committee (DAMC) chuan DC Office Chamber-ah thutkhawm an nei a, Pu Donny Lalruatsanga, Deputy Commissioner leh Chairman, DAMC ni bawk chuan thutkhawm hi a kaihruai.

Pu Donny Lalruatsanga chuan DAMC Member- lo kalte hnena lawmthu sawina a nei hmasa a. Mizoram sawrkarin Bâna Kaih (Handholding Policy) a kalpui mekah Lawngtlai District chhunga Sawhthing, chingtuten harsatna leh buaina liam tham sawi tur awm lo a, hlawk leh man man zawka phase I leh phase II a an hralh thei chu lawmawm a tih thu sawiin, hmalam hunah pawh felfai leh tha zawk a theihtawp chhuah chhunzawm zel turin a sawm bawk.

Pu Caleb Vanlalrinngama,ADAO, DAMC Member Secretary aiawh chuan report pekna a nei a. Sawhthing lei thawhkhatnaah leh thawhhnihna a Lawngtlai District chhungah sawhthing 378,387 kg lei a nih thu sawiin, Nakum 2nd February, 2026 atang sawhthing lei tura ruahman anih thu a sawiin Phase I&II aia Sawhthing thar tam a beisei thu a tarlang a ni.

Meeting ah hian SCC ah Supervisor atan BDO te ruat ni se, Asst. Supervisor atan Phase I&II a Supervisor te ni se tih a ni a, hei hi MAMB ah hriattir nise tih a ni bawk. SCC siksawi dan tur leh hmalak dan tur tha zawk sawihona neih a ni bawk.

Vawiin Lawngtlai District Agricultural Marketing Committee (DAMC) thutkhawmah hian DAMC Member- te an telkim tha hle a, Pu Donny Lalruatsanga, Deputy Commissioner, Lawngtlai chuan lawm thu sawina neiin hun a khar.