Lirthei hmanga ei zawng pawl hrang hrangten kawng chhiat lutuk avangin a huhovin thu an thuchhuah

#ZONEWS July 23, 2025: Dt. 22nd July 2025 a Lirtheia eizawng pawl hrang hrang RD Conference Hall Aizawla ṭhukhawm chuan National Highway No. 306 (Sairang to Kawnpui), National Highway No. 06 – (Sairang to Buichali), National Highway No. 108 (Sairang to Langkaih), National highway No. 6 (Kolasib to Bairabi) kawng te hi lirthei tana zawh hlauhawm khawpa a chhia hi pawi kan tiin, lungchhiatthlak kan ti a. Heng kawngpui tarlante hi NHIDCL leh Mizoram sawrkar hian 23rd – 30th July 2025 inkar hian tlan nuam tawk taka an siam kan phut tlat a, hemi hun chhunga kan harsatnate phuhru tura kawng hi siam a nih loh chuan kan thiam dan ang angin hma kan la a nih pawhin an mawhphurhna a ni ang. Dt 28 July 2025 ah heng kawngpui te hi kan tlawh chhuak vek dawn a ni.

Lirthei hmanga eizawngte kawng chhiat vanga LOAN RUL THEILO tam tak kan awm tawh avangin NHIDCL leh Mizoram Sawrkar kan ngiatna hi mipui ten min hriatthiampui tr leh min support tlat turin kan sawm tak meuh che u a ni.