Lirthei kum 15 tling tawh renewal chungchanga Siaha DTO thuchhuah

#ZONEWS July 21, 2025: Siaha District Transport Officer Dr Manesia Khaimeichho chuan private leh eizawnna Lirthei registration kum 15 tling tawh te tan a hnuaia mi ang hian thuchhuah a siam.

He notice hi Motor Vehicle neitute zawng zawng lo ngaihven tura tihchhuah a ni a, Motor Vehicle registration tih atanga kum 15 hnuah registration tih dan pangai a tih ngei ngei chungchangah a ni.

Motor Vehicle dan awm sa angin private leh eizawnna motor vehicle registration hi registration an tih atanga kum 15 chhung a dam a ni. Chuvangin, registration hi danin a tih angin thlawhchhuah(renew) ziah tur a ni a, a ti lo chu pawisa chawi emaw tax clearance a hrem theih an ni. Sorkar in dan a siam ang leh dan anga thil kalpui a nih theih nan motor neitute zawngzawng ten an motor eng calendar kum pawha ni 31 December hmaa kum 15 hmang tawh te chuan ahnuaia tarlan ang hian mathei lova tih tur a ni.

• Road tax te, penalty te leh fee hrang hrangte motor nena in kaihhnawih chu pek kim vek tur.
• Transport lama thuneitute pekchhuah anga registration thlawhchhuahna dil thin tur.

October ni 1 atangin thla 3 chhungin ngaihhnathiam a ni ang. He mi hun chhung hian lirthei neitute tan clearance leh registration thlawhchhuah (renewal) lam tih tur awmte tih vek tur a ni. In ngaihnathiam hun chhunga hma la lo te chu a hnuai ang hian na taka hrem theih a ni.

• Transport Department a Official record ah a lirthei kha blacklist a ni ang.
• A lirthei a kha ‘Not To Be Transacted’ huam chhunga dah a ni anga, Transaction lam engmah a tih theih loh anga, hralh te, a neitu hming thlak te, leh a dang dangte tih rem tihsak a ni lo ang.

‘NOT TO BE TRANSACTED’ chhunga lirthei awm tawh chu angai anga awm tir leh tur chuan a process a thuiin penalty a belhchhah bakah sum senna tur a tam tih tarlan nghal a ni e.

Chuvangin, Lirthei neitute chuan a hun takah tih tur pawimawh zawng zawngte kan za in hrem ngai loh tura a zo fel turin uar takin kan infuih a ni e.

Department chuan lirthei neituten hemi chungchang hi urhsun taka ngai tur leh hma thei ang bera hma la turin a tur a ni.

Renewal chungchang hriat belh duh tan leh puih ngaite tan Siaha DTO biak tur a ni. He Notice hi mipuite kan lo in rinlawk nan leh tul dan anga hma kan lak theih nana tih chhuah a ni.